طرق بسيطة لتخفيف اَلام الدورة الشهرية

في أثناء فترة الدورة الشهرية أغلب البنات والسيدات بتشعر بألم في منطقة أسفل الضهر، الفخذين، والبطن والسبب في ده هو أن بطانة الرحم الداخلية اللي تكونت لتهيئة الرحم للحمل ولما ما بيحصلش حمل. ألم الدورة الشهرية ناتجة عن إنقباض أو تقلصات في عضلات الرحم عشان يزيل طبقة البطانة المتكونة. لأننا عارفين أن أعراض الدورة الشهرية مزعجة ومؤلمة هنقول لك على كام طريقة تقدري تطبقيها لتخفيف الأعراض دي.

أعملي كمدات سخنة

أثبتت الدراسات أن الكمادات السخنة قادرة على تخفيف ألام العضلات وأن سيدات كتيرة بترتاح أكتر بعد إستخدامها. لو معندكيش قربة ميه، أملي شراب طويل أو كيس قماش حجمة مناسب  برز وحطيه في الميكرويف لمدة دقيقة لحد ما يسخن. ولفيه أو حطيه على ضهرك أو بطنك. ممكن كمان تاخدي شاور سخن أو تنقعي جسمك في حمام ميه سخنة ما شوية زت لافندر عشان تسترخي أكتر.

التدليك بالزيوت العطرية

الزيوت العطرية تستعمل في العلاج الطبي البديل (الأروماثيرابي) من قرون وأثبتت قدرتها على أنها ترخي الحسم، وتصفي الذهن، وتحسن الحالة المزاجية، وتخفف اَلم العضلات كمان. اتفرجي على الفيديو ده عشان تعرفي طرق مساج نقاط الألم في الجسم الناتجة عن الدورة الشهرية. ممكن تختاري ما بين مجموعة كبيرة من الزيوت العطرية أو كريمات / زبدة جسم تكون معززة بزيوت عطرية.

تجنبي بعض الأطعمة

في أثناء الدورة الشهرية وخصوصاُ في بدايتها حاولي تتجنبي بعض الأطعمة اللي بتسبب للإنتفاخ وإنحباس الميه  زي القهوة، والأكل المشع بالدهون، والمشروبات الغازية، والأكل المالح. وحاولي تاكلي أطعمة صحية تريح جسمك وتقلل من أي عدم راحة جسدية. الشاي من المشروبات اللي بتساعد في تهدئة الجسم ومفيد جربي شاي اللافندر من ساكند ناتشور ولو نفسك في حاجة مسكرة وحلوه ممكن تاكلي أي نوع فاكهة انتِ بتحبيه.

تمارين اليوجا

لو محتاجة تمددي جسمك وتحركيه عشان تخففي الام الضهر خصوصاُ ممكن تمارسي بعض تمارين اليوجا البسيطة في غرفة نومك أو في مكان هادي اتفرجي على الفيديو التعليمي ده وتابعي خطوات التمارين اللي هي بتعملها. مع اليوجا ولعي شمعة تغير مود الأوضة بتاعتك أو الماكن الل انتِ فيه عشان تسترخي أكتر. جربي شمعة سوبر ستار من كاندل كونيكشن

 

مصدر الصورة: Pinterest

مشاركة تعليق