طريقة أختيار الأي شادو حسب لون العين

مفيش لون عين مش حلو، لكن في ألوان اَي شادو تطفي أو تحلي لون العين أكتر. الأي شادو من أحلى ويمكن أصعب خطوة في الميك اب، خصوصاُ عند المبتدئين. ممكن تعملي أشكال  ورسومات عين كتير مع الاَي شادو. ورغم توفر باليتات كتير بأنواعها وقومها ونتيجتها، مش كل ألوان الاَي شادو هتبرز لون عينيك وتديها جاذبية وجمال. في المقالة دي هنتكلم عن ألوان  العيون المختلفة ودليل تختاري منه ألوان مناسبة للون عينيك.

العيون البني

أغلب ألوان الاَي شادو بتليق على لون العيون البني. حطي ألوان موحدة زي لون السلمون، والبرونزي الدهبي. تقدري تلعبي بألوان كتير وتعملي رسومات مختلفة. جربي اَي شادو لونا وأختاري الألوان البني والبيج والبينك الشيميري وارسمي عينيك بأكتر شكل يليق عليها..

العيون العسلية

لون العيون العسلي ممكن يتماشى معاها تقريباً أي لون اَي شادو، لو عايزة تظهري الدهبي اللي في لون عيونك حطي أي شادو فيه درجات الدهبي مع شوية شيمر هيظيهر لونهم ويديهم جاذبية. جربي بلاشر بورجوا على جفونك درجة بلش ليتل راوند بوت – سيان (84) مع الهايلايتر الفاتج لو بتيت ستروبر من بورجوا عند دمعة العين.

العيون الزرقاء

صاحبات العيون الزرقاء الجميلة يبعدوا تماماً عن درجات الاَي شادو الزرقاء، ويتجهوا أكتر للون الفضي، والروز، والبني الطوبي. إسنشالز عملت أي شادو تنت سائل شيمري هيدي عنيكي جاذبية وتلألئ. جربي ألوان فيلفت لون مخملي مثالي جداً للون العيون الزرقاء لوحده أو فوق اَي شادو في نص الجفن،  أو استخدمي لون سيلفر لون فضي متلاألىء هيدي عنيكي إشراقة، وكمان يليق عليكي لون روز لون نحاسي مائل للوردي.

العيون الخضراء

بتكون لونها فاتح ولامع، ولافت للنظر، ابعدي عن الألوان الفاقعة. وحطي ألوان هادية غامقة زي البنفسجي نع ولون بني لامع شيمري . حربي اَي شادو باليت سيتي ميني  – 450 جرافيتي بوب من ميبلين. فيها درجات مختلفة من البنفسجي والأزرق والشيمر وهتتماشي مع أشكال مختلفة من رسومات الاَي شادو.

العيون الرمادي

لون العيون الرمادي من أكتر الألوان النادرة بين البشر وفي طرق كتير لأبراز لونهم المميز. مع لون العيون الرمادي حطي ألوان اَي شادو بني،  أخضر، ودرجات الأزرق. اعملي لوك بدرحات ألوان الأي شادو البني وحددي رموشك السفلية مع اَيلانير تاتو جل محدد الرموش – 932 إنتنس جرين من ميبلين نيويورك

 

مصدر الصورة: Pinterest

مشاركة تعليق