علاج البشرة بعد جلسات التنظيف الخاطئة

كلنا بنحب نعمل جلسة فيشال من وقت للتاني، لأنها بتخلينا نحس أن بشرتنا منتعشة، ونظيفة، ومتجددة. لكن في بعض الأحيان وفي حالات نادرة، ممكن جلسة الفيشال تضر بشرتنا لو متعملتش صح. عملية إزالة الرؤوس السوداء أو البيضاء ممكن تسبب ثقوب في بشرتنا وتؤدي لظهور قشور وإحمرار وإلتهاب.  وده عشان ببساطة المسام المسدودة مش لازم يتم فتحها (أي حبيرة عناية جلدية حبيرة بتكون عارفة إيه اللي المفروض يتم إزالته من المسام واللي مش لازم تيجي جبنه). النقر واللعب في بشرة الوجه هيسبب حبوب وتهيج. لو ده حصلك قبل كده أعرفي أنك مش لوحدك. عشان نساعدك تخففي من ألم جلسات الفيشال الخاطئة جمعنا لك قائمة فيها حلول تساعد في علاج مشاكل بشرتك

مكعبات تلج بالبابونج (الكامومايل)

السبب في ظهور حبوب على الوجه بعد حلسة تنظيف الوجه هو إزالة أو إستخراج النتوءات البيضاء العميقة في البشرة. من الطرق الطبيعية لعلاج الضرر هو تجميد شاي البابونج لمكعبات وإستعماله مرة في اليوم لتنظيف بشرتك.  واسمحي لبشرتك أنها تطهر ليوم أو أتنين.  في بعض الأحيان حبوب الوجه بتظهر بسبب أن بشرتك بتنظف نفسها ودي طريقة هتتخلصي من السموم اللي في بشرتك تماماً

الماء

هدئي من ألم البشرة بعد جلسة الفيشال بغسل الوجه بماء بارد أو حطي تلج أو كيس خضار مجمد ملفوف في فوطة على وشك على فترات. الحرارة الباردة هتقلل من الأحمرار، والتهيج، والإنتفاخ. كمان تقدري تستعملي الماسك الجل بعد تجميدة في الفريزر لمدة 30 دقيقة قبل استخدامه. لو مش عندك الماسك الجل جربي ماسك غارنييه هيدرا بومب الورقي الممتاز لترطيب وتهدئة إلتهاب البشرة في أثناء مرحلة شفائها. حطي الماسك الورقي في التلاجة لإحساس بالبرودة أكتر قبل إستخدامه.

الزيوت

عالجي بشرتك مع زيت السمسم المغذي من حتحور. الزيت مثالي في مساعدة البشرة على الإحتفاظ بترطيبها وأنها تبدأ عملية تجددها. زيت السمسم النقي يهدئ إلتهاب البشرة فوراً ده غير قوامه الخفيف اللي بيسمح لك أنك تدهنيه على بشرتك قبل النوم من غير ما تحتاجي تغسليه. زيت السمسم كمان بيساعد في تقليل ظهور حب الشباب أو أي ندوب.

تجنبي ملامسة الجروح

سبب ظهور القشور على الوجه هي لما خبيرة تجميل الجلد بتعمل تقشير قوي في مناطق كان فيها جروح قبل كده زي الحبوب. ممنوع لمس قشور الجروح لأنها لازم تاخد وقتها عشان تخف بشكل طبيعي. البديل أنك تعتني ببشرتك بإستخدام جل الألوفيرا من امتنان. مع تجنب وضع الميك اب حوالين الجروح عشان تخف، لأن إزالة الميك اب من عليها هسبب إلتهابها أكتر.

لو ملاحظة أن بشرتك في حالة مزعجة بالنسبة لك بعد جلسة التنظيف، تواصلي مع خبيرة تجميل الجلد بتاعتك أو دكتور جلدية عشان تتأكدي أن كل حاجة كويسه. ومهما حصل خدي نفس عميق بعد جلسة الفيشال لو ظهر كام جرح على وشك، تأكدي أنها هتخف وبشرتك هتبقى متوهجة، وصحية لواهتميتي بها صح.

مشاركة تعليق