فوائد العسل للبشرة والجروح

العسل يعتبر من اكثر الاشياء الطبيعية الى تم استخدامها على مر العصور بهدف التداوى والتشافى فى ثقافات كثير. و فى نفس الوقت, للأسف فى ناس كثير بتروج للعسل انه استخدماته فعالة بشكل مبالغ فيه عن طبيعته, فى اشياء وحالات اخرى. بيتم انتاج العسل ببراعة من النحل بتقنية فريدة من نوعها, لدرجة ان العلم والابحاث المتطورة ,حتى الان, يصعب عليها ابتكار او الوصول لنفس طريقة استخلاص النحل للعسل من ريحق الازهار. فان عسل النحل يعتبر غنى جدا بالمواد الغذائية, مش بس كده, كمان مشبع جدا بالسكريات البسيطة , زى الجلوكوز و الفركتوز, كمان درجة حموضية العسل خفيفة ما بين 3 الى 5 , وتركيزتهم دى بتغنى العسل بخصائص قوية جدا مضادة للبكتريا والفطريات. من خلال المقال ده, سورس بيوتى بنقدملك معلومات تهمك عن فوائد العسل للبشرة و فى التئام الجروح البسيطة. دليلك لفوائد العسل للبشرة والتئام الجروح البسيطة

فوائد العسل للجروح

من المعلومات الغريبة والفعالة للعسل, انه يعتبر أقوى علاج لالتئام الجروح, والتقرحات الجلدية. نقلا عن الدكتور محمد هانى الناظر, استشاري امراض الجلدية والتناسلية, ان مقارنة العسل باى كريمات او علاجات اخري لالتئام القرح او الجروح البسيطة, الى غالبا بتحصل فى يومنا الطبيعى فى البيت صعبة. فأكد ان العسل هو الاقوى الى بيتفوق فى التئامها وتهدئتها بسرعة. كمان نصح الدكتور محمد الناظر, بالتوجه للطبيب المختص فى حالة ان الجرح غير بسيط, لعدم التسبب فى اى مشكلة عند التعامل الغير صحيح مع هذه الانواع من الجروح الصعبة. الفكرة ان عند التعرض لجرح بسيط, بتبدى البكتريا المحاطة بينا , التغذية على اى خلية مصابة أو مجروحة ,  وبتتكاثر بشكل سريع وبالتالى بتأخرالتئام الجروح. فعند استخدام اي نوع عسل من مصدر موثوق, هيكون غنى بمضادات البكتريا والفطريات, و هيتم قتلها كما سبق ذكره

فوائد العسل للبشرة والحبوب

.تركيز السكريات زى الجلوكوز و الفركتوز فى العسل , بيساعد بشكل كبير, وملحوظ فى تقليل التهاب وظهور حب الشباب, لانها بتكون عبارة عن بكتيرية وفطريات متكونة على البشرة, فبالتالى, استخدام العسل عليها بيقتل البكتريا وبيساعد على التخلص منها كمان ملمس العسل ولزوجته على البشرة, عند استخدامه كمسك / قناع للبشرة, بيساعد على تنعيمها وترطيبها, وكمان بفضل حموضيته البسيطة, ممكن يعطى احساس المقشر البسيط للبشرة, خصوصا لو تم  اضافة الزبادى للماسك, واستخدامة من مرتين الى ثلاث مرات اسبوعيا. كمان , ممكن تستخدمى العسل, بعد عمل جلسة الديرما رولار للبشرة لتهدئتها, ومدها بالغذا المطلوب . به=عد غسل وجهك بعد الجلسة بالماء والغسول اللطيف, يمكنك وضعه على البشرة لمدة ساعة بعدبن اشطفي و شوفى الفرق عن استخدامات المواد التجميلية الاخرى

كيفية استخدامه على القرح والجروح

كلنا معرضين للجروح البسيطة, والحروق السطحية فى المطبخ والبيت فى العموم. لو اختارتى انك تستخدمى العسل لعلاج هذه الجروح البسيطة, يمكنك وضعه على المنطقة المصابة يوميا الصبح وبليل, حتى الالتئام. وننصح دائما بالتوجه للطبيب المختص لوصف العلاج الانسب فى حالة ان الجرح غير بسيط. لان احيانا بيكون استخدامات العلاجات الموضعية غير كافية للمعالجة, وبيتم وصف بعض المضادات الحيوية والادوية من الاطباء, حسب كل حالة, لسرعة التشافى

عيوب استخدام العسل

زى اى شىء فى الدنيا, مش كل حاجة هتكون مميزات بس, اكيد فى عيوب استخدام العسل على البشرة. يعتبر ملمس العسل هو اكتر عيب ليه عند استخدامه للبشرة, لثقله, ولزوجته المتعارف عليها. وبالتالى هيصعب استخدامه على بعض المناطق فى الجسم اذا تم اختياره كعلاج مثالى لمشكلة فى الجلد, سواء اذا تم اصابتها بجرح بسيط, او حتى,فى حالة استخدامه كمرطب او مقشر بسيط للبشرة. و بالتالى بيفضل استخدام العلاجات الى بيتم وصفها من الطبيب المعالج كبديل, لسهولة تطبيقها على الجلد, و سرعة امتصاصه, مقارنتا بالعسل. عيب اخر, هو ان بعض اماكن بيع العسل, بتقوم بخلط العسل الطبيعى وتخفيفه بمواد اخرى, و للاسف الخطوات دى بتقلل مفعوله و فوايده . بننصحك, باختيار مكان موثوق منه لشراء العسل النقى , لو ققرتى انك تستخدميه باى شكل من الاشكال للاستفاده منه ومن خصائصه, سواء للاكل, او فى علاج الجروح, او حتى كمسك او قناع للبشرة

مشاركة تعليق