قعدة مع مؤثري السوشيال ميديا: روتين عناية فرح حسني

مهوسة السفر ومحبة كل حاجة بسيطة في الحياة. فرح حسني هي شخصية مميزة بحق وحقيقي. معروفة بحسها الفكاهي الساخر والذكي، فرح قعدت معانا وشاركتنا نصائح تجميلية خاصة بها.

احكي لنا شوية عن نفسك… أنا صحفية، وكاتبة، ومحررة. ومؤخراً أسست وبقيت رئيسة تحرير موقع Scene Arabia اللي مقرة الشرق الأوسط وشمال أفريقيا. لكن من كام شهر أخدت هدنة من العمل بدوام كامل عشان أركز على الحاجات اللي بحبها، وكنت عايزة ادي التدوين عن السفر فرصة لكن “انسة رونا” كان عندها خطط تانية.

ايه هي أكتر 3 مستحضرات ما تقدريش تعيشي من غيرها؟

  1. أكيد ما أقدرش أعيش من غير مرطب شفايف لأن شفايفي ديماً شكلها كأني عايشة في طقس قاسي ومحتاجين اهتمام. شكلهم ديماً جاف ومتقشر وبعض فيهم طول الوقت.
  2. بلسم الشعر. ماعنديش روتين محدد لشعري لكن ديماً بستخدم بلسم في الشاور.
  3. روح! وأي  نوع روج مش فارقة! أدركت مؤخراً أن لما بكون شكلي مرهق، الروج بيساعدني وبحس انه بينعش شكلي.

روتين العناية الليلي بتاعك عبارة عن ايه؟

روتين العناية ببشرتي الليلي/ هو مش بالظبط روتين بس بحاول ديماً استخدم ماء الورد (دلوقتي بستعمل ماء الورد من نفرتاري) بحطه على قطعة قطن وبسمح بها وشي كله. وعادتاً بكمل بغسول للوجه (دلوقتي بستخدم) غسول جل من اوراج.

أحياناً بدهن زيت الأرجان قبل النوم، أنا عارفه أنه في تناقض في أنك تحطي طبقة سميكة من الزيت على وشك (خصوصاُ لو بشرتك حساسة ومعرضة للحبوب زي) بس أنا بحس أنه مفيد لبشرتي حتى لو هفرد فوطة على مخدتي وجوزي يقعد يسألني أنا ليه وشي مزيت أوي كده.

عندك أي نصائح تشاركيها معانا عن  العناية بالشعر، أو البشرة، أو الضوافر، أو بالجسم.

لو أكلتي أكل الناس التانية السعرات الحرارية مش بتتحسب!

ايه هم أكتر مستحضرين مفضلين عندك من سورس بيوتي؟

من المنتجات اللي جربتها وبحبها أوي هي كريم الجسم المرطب بالفانيليا من اريج، الكريم ده بخليني عايزه اكله حرفياً. بحب كل حاجة ريحتها فانيليا أو جوز الهند. كمان بحب تنت العين الدهبي من إسنشالز.

مشاركة تعليق