مؤثرة السوشيال ميديا: بسنت عيسى وروتين العناية الخاص بها

قعدنا مع ملكة العناية بالنفس، بسنت عيسى. وحكيت لنا عن روتين العناية بالبشرة بتاعها وايه هي الطرق الفعالة للحفاظ على شبابك وصحتك في رأيها. اعرفي ايه هم في المقالة دي.

احكي لنا شوية عن نفسك…

أنا بسنت عيسى، مؤثرة شغوفة بالعناية بالنفس، ولما بقول عناية بالنفس، مش قصدي الجمال الخارجي بس لكن كمان الذهني والعاطفي. أنا بسعى لمشاركة متابعيني أفضل النصائح عن التجميل والعناية بالنفس من خلال حسابي على انستجرام اللي بيزيد أعداد متابعينه كل يوم واسمه Queen B diaries بالإضافة لمدونتي @thewanderingduo_

أيه هم 3 مستحضرات ما تقدريش تعيشي من غيرها؟

ياريت أقدر أختار أكتر من 3 منتجات…لكن لو مضطرة أختار 3 بس  فأنا مقدرش أعيش من غير مرطب للوجه لأن مش بحب أحساس البشرة الجافة، والكونسيلر عشان اغطي أثار كل الأيام اللي مش بنامها بسبب إلتزاماتي كأم وأخيراً الماسكارا.

ايه هي خطوات روتين العناية بالبشرة المسائي بتاعك؟

في أغلب الأيام روتين العناية بتاعي هو عبارة عن:

  1. لو حاطة ميك اب، بمسحه بمزيل مكياج.
  2. وبعدين بغسل وشي بمنظف لبشرة الوجه.
  3. وأخيراً بدهن مرطب.

في الأيام اللي بكون فيه مزاجي رايق، أحياناً بضيف أنواع تونر مختلفة، وحمض الهيالورونيك، وسيروم فيتامين C، أو كريم للعين، ومستحضرات تانية بدخلها في الروتين بتاعي، بس أبسط روتين بعمله يتكون من الـ3 خطوات الأساسية اللي ذكرتهم فوق.

عندك أي نصيحة عن العناية بالبشرة أو عن الميك اب تحبي تشاركيها؟

هقول لك على أحسن حاجة أنا عملتها مؤخراً في أثناء الحجر المنزلي. أفضل نصيحة ممكن أشاركها معاكي عشان بشرتك، وضوافرك، وشعرك، وجسمك يتغير وذهنك يتحسن هي … كلي أكل صحي! مفيش حاجه هتقوي ضوافرك وشعرك أكتر من الأكل. مفيش حاجة هتخلي بشرتك صحية أكتر من الأكل، ومفيش حاجة هتحسن من نفسيتك وشكلك الخارجي أكتر من الاكل اللي بيدخل جسمك! الجمال يبدأ من الداخل، أنا أضفت أنواع بروتين مختلفة، وخضراوات، وفاكهة لنظامي الغذائي السنة دي وعمل معايا فرق كبير.

أكتر 2 من الماركات المصرية المفضلة عندك على موقع سورس بيوتي؟

أكتر ماركات مصرية مفضلة عندي هي أريج و جوفيالتي

 

مصدر الصورة:  بسنت عيسى

مشاركة تعليق