ماسكات للبشرة بصنع ايديك

ماسك الوجه له القدرة على علاج كل مشاكل البشرة. لأنه بيساعد على التخلص من تعب يومك الظاهر على بشرتك. كمان بيجي منه انواع وقوام وأشكال مختلفة، سواء ماسك طيني، او ورقي، أو ماسك رغوي ودلوقتي تقدري تستخدمي على بشرتك ماسك بصنع ايدك. الماسكات المنزلية هي واحدة من أفضل الطرق لو عايزة بشرة نقية بمكونات بسيطة من بيتك. كملي قراءة عشان تعرفي كام طريقة بسيطة لصنع ماسك الوجه في البيت.

ماسك التفتيح بالعسل والحمضيات.

بمكونين اتنين بس هتقدري تفتحي لون بشرتك وتديها نضارة طبيعية. ببساطة حطي 3 معالق كبار عصير البرتقال الطبيعي مع ربع كوباية عسل اخلطيهم كويس وحطيه الماسك على بشرتك لمدة 15 دقيقة. بعدها اغسلي وجهك بميه دافيه وما تنسيش تدهني بعديها مرطب فوراً.

مرطب الأفوكادو المرطب

لو انتي من اللي عندهم بشرة جافة، استخدام ماسك مرطب في روتين العناية بالبشرة بتاعك هيديكي نتيجة مختلفة. الماسك الطبيعي للوجه ده بيعمل انه يحافظ على رطوبة البشرة من غير ما يخليها دهنيه. كمان بيقلل من البقع الغامقة أو الشوائب. ببساطة اخلطي مع بعض واحده ثمرة أفوكادو، ملعقة واحدة كبيرة عسل وكمية كافية من الشوفان في طبق عميق. بعد ما تخلطيهم خطي الماسك على بشرتك لمدة 15 دقيقة وهتلاقي بشرتك رطبة وفيها فرق.

ماسك الكركم للنضارة

الكركم من المكونات الفعالة جداً لجمال البشرة. هو مكون فيه خصائص كتيرة ليها القدرة على تحسين من ملمس البشرة، كمان معروف على احتوائه على خصائص مضادة للالتهاب اللي بتكون فعالة لما بتستعمل بشكل موضعي. اخلطي ملعقة كبيرة من الزبادي العادي وملعقة كبيرة من العسل وملعقة كبيرة من الكركم. سيبيه على بشرتك لمدة 15 دقيقة قبل ما تغسليه خليط المكونات دي بتعمل مع بعضها للتخلص من الشوائب، وإعادة الترطيب لبشرتك. الماسك ده هيخلي بشرتك نضرة بشكل طبيعي وهيقلل من الشوائب وحب الشباب.

ماسك لمحاربة التلوث

مفيش شك ان في مصر التلوث البيئي وعوادم السيارات بيأثر على صحة بشرتنا. الماسك ده طريقة ده سهلة وبسيطة وهيقدر ينقي وينظف بشرتك من الأوساخ والدهون المتراكمة على مدار اليوم. اخلطي كمية كافية من اللوز المطحون خشن مع 2 ملعقة كبيرة زيت زيتون وسبيهم على البشرة لمدة 10 دقائق قبل تدليك القوام على البشرة عشان تقشريها وتتخلصي من أي أوساخ. الأحماض الأمينية الموجودة في اللوز هتزيل الشوائب والجلد الميت وتخليها ناعمة ومنتعشة وفيتامين E الموجود في زيت الزيتون هيعمل حاجز يحمي البشرة.

حقوق الصورة :Pinterest

مشاركة تعليق