مستحضرات تجميل أساسية لشنطة المكياج اليومية

شنطة المكياج اللي بناخدها معانا في كل مكان جزء مهم من يومنا، ولو انتي مش عاملة لنفسك شنطة مكياج صغيرة تاخديها معاكي في شنطة إيدك لازم تبدئي تخليها جزء من حياتك لأن في أوقات كتير هتلاقي أن المنتجات والمستحضرات اللي فيها بتنقذك في أي حالة طوارئ. سواء في أوقات الدورة الشهرية اللي بتيجي فجأة أحياناً .أو لو عندك معاد مهم واحتجتي مستحضرات تجميلية تجهزي نفسك بها بسرعة وسهولة. في المقالة دي هنرشح لك .5 مستحضرات تجميل أساسية

كريم مغذي لليدين والأظافر من ناتورفا

العناية بترطيب الأيد والأظافر بشكل مستمر مهم جداً للحافظ على شكلهم وجمالهم وتغذيتهم والحفاظ على مرونتهم وتقليل من إحتمالية تكسرهم بسهولة. كريم ناتروفا مشبع بخصائص عميقة الترطيب بفضل مكونات زبدة الشيا،، والكاكاو، وجوز الهند، وجل الألوفيرا. جل الألوفيرا معروف بقدرته على تهدئة البشرة وجوز الهند معزز بالفيتامينات وبيحمي البشرة من أشعة الشمس. جربي الكريم الطبيعي ده ولاحظي الفرق في شكل وإحساس إيدك.

زيت الأظافر سترونج ان لونج من جوفيالتي

لو أنتِ من اللي إيدها ديماً في الميه يبقى أكيد ضوافرك بتتكسر طول الوقت مهما حاولتي تطويلهم وتحافظي عليهم وشكلهم. الحفاظ على الضوافر طويلة وصحية بكون شبه مستحيل لو مش بتستخدمي مرطب مخصص لهم. جوفيالتي لقت لنا الحل وعملت زيت للعناية بالأظافر مكون من زيوت مختلفة مرطبة بالإضافة لفيتامين إي. الزيت سهل الإستعمال لأنه مغلف في عبوة مركب فيها فرشة تحطي بها الزيت.

مرطب الجسم بعشبة الليمون مويستر أون ذا جو

مع نهاية فصل الصيف وقرب فصل الشتا بشرتنا بتحتاج ترطيب وعناية أكتر لحمايتها من الجفاف والحفاظ على صحتها. جوفيالتي عملت مرطب سهل الأستخدام وتقدري تاخديه معاكي في أي مكان. المرطب مكون من فيتامين إي، وزبدة الشيا، وزبدة جوز الهند عميقة الترطيب وبتحمي البشرة من أشعة الشمس الضارة وفيها خصائص مضادة للميكروبات، وتقليل الإلتهابات الجلدية. مرطب طبيعي ومثالي انك تضميه لمستحضرات شنطة مكياجك.

كونسيلر فيت مي من ميبلين نيويورك

يعتبر كونسيلر فيت مي من أكتر أنواع خافي عيوب البشرة الاكتر مبيعاً وشهرة من العلامة التجارية البارزة في مستحضرات التجميل وممن أنواع الكونسيلرز اللي بتدي نتيجة حلوه لإخفاء الهالات السودا، والإحمرار، وشوائب البشرة. ده غير انه مناسب لأنواع بشرة كتيرة. الكونسيلر بيجي معباة في عبوة فيها إسفنجة سهلة الإستعمال، وقوامه كريمي وسلس على البشرة وسهل يتعمله بلندينج.

تنت الشفايف والخدود درجة بيت روت من لايان

في شنطة مكياجك الصغيرة حاولي ديماً يكون فيها منتجات متعددة الاستعمالات عشان تخلي مساحة لمنتجات تانية أساسية بالنسبة لك وتستغلي مستحضر واحد بكذا طريقة. عشان كده تنت الشفايف والخدود من لايان درجة لونه مثاليه لفصل الشتا بالذات وكمان مرطب ومغذي لأنه بيحتوي على فيتامين بي 5. امشي برول التنت بطبقة خفيفة على شفايفك وخدودك واعملي لهم بلندينج بأطراف صوابك وزودي قوة اللون حسب ما تحبي.

مشاركة تعليق