مفضلاتنا لشهر سبتمبر

على قد زعلنا إننا بنودع الصيف، على قد ما إننا متحمسين لتجهيزات الخريف و المنتجات الجديدة اللي جهزناها للفترة دي. عشان كده جمعنا لك عدد من المنتجات المفضلة لينا والمجربة عشان تستعدي بيها لفصل الخريف. كملى قراءة المقال عشان تتعرفي على مفضلاتنا لشهر سبتمبر

ماركات مصرية

 تينت خوخي مرطب SPF+30 من مازر نيكد 

أثارت ماركة مازر نيكد ضجة كبيرة على موقعنا بفضل منتجاتها اللى تم اصدارها مؤخرًا. مرطب SPF+30 Peach هو عبارة عن كريم بيمد البشرة بلون خوخى لامع وصحي وخفيف بتغطية مقبولة مع عامل حماية +30 SPF. هيحققلك لمسة نهائية لامعة طبيعية لبشرتك. تركيبته غنية بمزيج من أحماض الهيالورونيك والنياسيناميد للحفاظ على رطوبة بشرتك وتقليل مظهر المسام الواسعة. تركيبة خفيفة الوزن و شفافة تتناسب مع جميع ألوان البشرة. مثالي لكل ست مش بتفضل استخدام كريم الأساس ولكن بتفضل لامعة نضرة وصحية للبشرة وخالية من العيوب. كمان هيعزز من ترطيب بشرتك و هيضفى توهج صيفي فى أي وقت طول السنة.

جل جولد كونتور للعين من كولاجرا

أحدث اصدارات منتجات Kolagra ، جل محيط العين اللى بيساعد على مكافحة علامات الشيخوخة والتجاعيد. غنى بمكونات فعالة زى حمض الهيالورونيك وفيتامين E والعسل و بيتميز بقوام خفيف و حريري و سهل الاستخدام على البشرة. تم تركيبه خصيصا لمنح عينيك مظهر صحى و بشرة متجددة ومشرقة بشكل واضح.

مقشر شفايف بالفراولة من سول أند مور

هيساعدك  مقشر سول اند مور الغنى بحبيبات السكر اللى برائحة وطعم الفراولة انك تتخلصى من الخلايا الميتة والقشرة الناشفة على شفايفك. استخدميه 1-2 مرات في الأسبوع و استمتعى بشفايف ناعمة وممتلئة.

بلسم/ ماسك ليف إن بالأرجان- 250 ml من بليس

أصدرت Bless مؤخرًا بلسم/ ماسك ليف إن بالأرجان بحجم 250 مل و أصبح مفضل لدى المعجبين! تركيبته غنية بزيت الأرجان و بفيتامين E المغذي والزيوت النباتية الغنية بالمواد المرطبة اللى هتضمنلك خصل شعر لامعة و رائعة وصحية ومرطبة دون ترك شعرك دهني. فهو اختيار رائع لمحبى الشعر الكيرلى المجعد أو الكثيف أو حتى المفرود.

بودي سبلاش بالمسك الأبيض من بابلز

لو كنتى جربتى عطور Bubblzz الترافل سايز ، فبالتأكيد لازم تجربى بودي سبلاش المسك الأبيض. هيمنحك رائحة تدوم طول اليوم و هيشعرك بالانتعاش!

ماركات عالمية

Ole Henriksen, Banana Bright+ Vitamin C Eye Crème

دايما بندور على كريم عين يكون فعال و منتجات Ole Henriksen عمرها مخيبة ظننا! اصدره مؤخرا تركيبة أفضل ومتطورة لكريم العين الأكثر مبيعا والغنى عن التعريف Banana Bright+ Vitamin C Eye Crème . مكوناته غنية بخلاصة الذهب النقى, وبدون أى روائح. هيساعد على تفتيح البشرة وتقليل الهالات السوداء, وهيعمل كبريمر مصحح لوضع الكونسيلر وهيخليه ناعم وطبيعى

Ilia, Super Serum Skin Tint SPF 40

المنتج ده هيوفرلك عناية بالبشرة وحماية من أشعة الشمس ومكياج في خطوة واحدة بسيطة. تم تركيبه بمكونات أساسية لصحة البشرة زى Hyaluronic Acid و Plant-Based Squalane و كمان ال Niacinamide.  المكونات دى هتحسن من حاجز البشرة وتجعلها نضرة ومشدودة و ممتلئة و كمان هيعمل التينت كمضاد للأكسدة. عشان كدة هو مفضل لينا, لأنه بيوفرلنا ميزات كتيرة محتجاها بشرتنا!

Dae, Monsoon Moisture Milk Hydrating Shampoo
مفيش بديل للشامبو ده! شامبو ملمسه حليبي هيعزز رطوبة الشعر وينعمه ويقوي خصلات شعرك. شامبو Monsoon Moisture Milk مرطب مثالي انك تضيفيه لروتين الاستحمام الخاص بك. غنى بزيت بذور المروج وخلاصة زهرة الصبار وخلاصة أوراق المورينجا ، هيمنع التكسر ويمد الشعر بالكيراتين ويعيد لمعان خصلات شعرك المتعبة. مش بس كده ملمسه خفيف جدا وخالي من الكبريتات.

Topicals, High Roller Ingrown Hair Tonic with AHA and BHA
سيروم تم اختباره من قبل أطباء الجلدية, متعدد الأغراض تقدرى تستخدميه على الإبطين ومنطقة البكيني لتهدئة البشرة المتهيجة ومنع تكون النتوءات الناتجة عن نمو الشعر تحت الجلد. خفيف الوزن و بيستهدف البقع الداكنة و بيساعد على تحسين ملمس البشرة وبيعزز مظهر بشرتك بفضل مكوناته الفعالة زى حمض الساليسيليك وحمض الجليكوليك والزنك PCA.

Fenty Skin, Cherry Treat Conditioning + Strengthening Lip Oil
انتشر مؤخرا الاعتماد على الزيوت لترطيب الشفايف و العناية بهم. و عشان كده تم اصدار زيت Cherry Treat Conditioning + Strengthening اللى اصبح منافس قوى فى السوق. غني بمزيج من زيوت الفاكهة المفيدة للجلد ، فهو فائق الترطيب هيجدد شفايفك وينعمها و يحسن من نضارتها. كمان رائحة كرز لذيذ!

مصدر الصورة : Pinterest

مشاركة تعليق