أحنا فى سورس بيوتى بنستني الصيف من السنة للسنة عشان منتجاته بتكون دايماً مميزة و مفضلة لينا! بداية من زيوت تسمير (تان) الجسم, و اللـيف إن كريم وماسكات تغذية  الشعر, لمعطرات الجسم … بجد مفيش كلمة توصف حماسنا لترشيح جديدنا من كل المنتجات دى ليكي! مش هنطول عليكى, جمعنالك مفضلاتنا لشهر يوليو اللى هتساعدك تعتني وتطلى بلوك يجنن لصيف ٢٠٢٢.

ماركات مصرية

جل جولد شيمر من كاروتين

بفضل مزيجه القوي من زيوت التسمير الغنية التعريف. هيساعدك على ترطيب البشرة ، لأنه بيجمع بين القوة المرطبة لزيت السمسم وخلاصة الآذريون. هيضفى على جسمك لامعة متلألأة تحت أشعة الشمس.دلكى كمية كافية بالتساوي على الجسم بالكامل ، قبل التعرض للشمس وأعدي تطبيقه بشكل متكرر كل ساعتين للحصول على أفضل النتائج!

قناع الرمان و الهيالورونيك للترطيب من بوبانا

بجد متحمسين جدًا لتجربة أقنعة بوبانا الورقية اللي تم إطلاقها مؤخرًا. هيعمل بشكل رائع على تجديد شباب البشرة بعد ساعات طويلة وانتى برة البيت و متعرضة لأشعة الشمس. تقدرى تعتبريه كعلاج للوجه خلال 15 دقيقة ، هيعمل قناع بوبانا الورقي المرطب بالرمان و الهيالورونيك على تنعيم البشرة وتقليل ظهور الخطوط الدقيقة ، و هيمنحك دفعة قوية من الترطيب بفضل مزيج مكوناته الفعالة. يمكنك الاحتفاظ به في حقيبة السفر الخاصة بك للحصول على نضارة فى أى وقت وأي مكان.

سبلاش يور دوينج اميزينج سويتي من ريلاكسينت كاندلز

المنتج ده كمان واحد من الحاجات اللى مينفعش تستغنى عنها فى الصيف! أصدرت مؤخرا ماركة ريلاكسينت كاندلز معطرات للجسم مستوحاه من روائح شموعها الغنية عن التعريف! سبلاش You Doing Amazing Sweetie هو عطر خشبي حلو برائحة الفواكه الحمضية هينقلك للعصور العربية القديمة. بيحتوي على مزيج من روائح البرتقال الحلو والباتشولي وخشب الأرز اللي هيملأ الهواء برائحة المسك الحلوة. حجمها مناسب لوضعها في حقيبتك واستخدامها فى أى مكان.

بلسم ريبير آند ريبليش من مان اند تيل

بعد رجوعنا من البحر, للأسف الشعر بيتعرض للتلف بشكل أو بأخر. عشان كده أختيارنا لمنتج مرطب معالج للشعر بعد التعرض لماء البحر وأشعة الشمس الضارة لازم يكون قرار صائب. بنرشحلك تجربي بلسم ريبير آند ريبليش من مان اند تيل لأنه بلسم نباتي منشط طبيعي بيحتوي على زيت جوز الهند وبروتين البيوتين. هيرطب شعرك و يعزز من نعومته و لامعانه. كمان هيفك تشابك الشعر ويقلل من تجعده وتقصفه و فى نفس الوقت هيغذي الشعر وفروة الرأس دون ترك اى تراكمات.

ماسك الإصلاح و تقليل الهيشان من ذا باث لاند

كمان ماسك الإصلاح و تقليل الهيشان من ذا باث لاند منتج رائع! استخدامك ليه هيساعدك تجددي و تعالجى شعرك لأنه غنى بمزيج من الزيوت الغنية والطبيعية ، هيساعدك على اصلاح الشعر التالف وإعادة بنائه. بيحتوى على زيوت طبيعية زى زيت الجوجوبا وزيت اللوز الحلو للمساعدة في إصلاح وتقوية الشعر التالف. كمان بيحتوي على زيت الخروع وفيتامين هـ للمساعدة في تحسين صحة فروة الرأس ، وفيتامين B5 للمساعدة في إضافة لمعان.

ماركات عالمية

Drunk Elephant, D-Bronzi™ Anti-Pollution Sunshine Drops

منتج هيعطيكي و يمنحك توهج و لامعان برونزي اللي بتدورى عليه من غير ميضرك. أحتوائه على مكونات زى المارولا البكر الغنية وزيوت بذور الكشمش الأسود ، إلى جانب فيتامين F (أحماض دهنية) ، هتعزز توازن بشرتك  وتحميها. كمان هيعمل كمنتج مضاد للأكسدةو ايضا كواقى ضد التلوث والضغوط البيئية مع اضفاء طبقة نهائية برونزية. ضعي قطرة أو أكثر على أي نوع من السيروم أو المرطبات الخاصة بيكى للحصول على توهج جذاب ومغذى سواء على وجهك وجسمك.

Honest, Fresh Flex Concealer

اختيار الكونسيلر الجيد أمر ضروري بعد ليالي الصيف الطويلة للتأكد من أنك دايما تستيقظي ببشرة متوهجة ومنتعشة. كونسيلر فريش فليكس من اونيست غني بمكونات العناية بالبشرة لتوفير عيون أكثر إشراقة وتغذية. مصنوع من نوعين من Hyaluronic Acid ، زبدة الشيا ، Niacinamide ، وفيتامين E. هيمتزج بسلاسة مع بشرتك للمسة نهائية خالية من العيوب طويلة الأمد.

Rhode Skin, Peptide Lip Treatment 

أطلقت Hailey Beiber مؤخرا علامتها التجارية الجديدة للعناية بالبشرة ، و أحدث علاج Peptide Lip Treatment ضجة كبيرة بالفعل. لأنه هيمنحك علاج للشفايف مرمم لشفايف ممتلئة وطبيعية ناعمة ويساعد على حبس الرطوبة داخلهم طوال اليوم. غني بزبدة الشيا والببتيدات وكوبواكو. هتحافظ تركيبته على مرونة الجلد وتقليل ظهور الخطوط الدقيقة وتحسين ليونة الشفايف الجافة.

Patchology, Rosé Eye Gels

تم تركيبه بمضادات الأكسدة وخلاصة الفراولة وحمض الهيالورونيك ، مواد هلامية مرطبة للعين مناسبة لعلاج منطقة حول العين و ترطيبها. الأفضل استخدامه و هو مبرد ، هيحافظ على ملمس ناعم ورطب لمنطقة كونتور العين وهيمنحك توهج فوري بمجرد استخدامه.

True Botanicals, Shine & Protect Hair Cream Oil

تعمل الزيوت النباتية ومضادات الأكسدة المكونة للمنتج على تنعيم خصلات شعرك وحمايتها من التلف الناتج عن الحرارة. يمكنك استخدامه كمنتج لتصفيف شعرك بعدة طرق مختلفة. استخدامبه على شعر رطب للحفاظ على الرطوبة في شعرك ومزيد من اللمعان. هتساعد الزيوت الواقية زى الأفوكادو وزيت الزيتون شعرك على تحمل درجات الحرارة المرتفعة ، و كمان هيحافظ على شعرك ناعم وغير دهني.

مصدر الصورة: Pinterest 

مشاركة تعليق