مفضلات شهر أغسطس

صيف سنة 2020 هيكون أكتر صيف قعدنا فيه في البيت. ورغم أنك ممكن تحسي أنه وقت الصيف الممتع اتسرق منك إلا أن في حاجات كتير لسه ما تغيرتش. وهو أن الكل لسه عايز يعرف مفضلاتنا من المنتجات التجميلية.في المقالة دي، جمعنا 10 أفصل المنتجات التجميلية الجديدة لشهر أغسطس اللي تستاهل غنك تجربيها.

منتجات عالمية

سيروم فات واتر المنقي للمسام من فينتي بيوتي

ريانا ابهرتنا من تاني! ريانا ادت معنى جديد للعناية بالبشرة وسهلت الموضوع وخلته عملي لكل ستات العالم. مجموعة العناية بالبشرة بتاعتها جذبت الكل. سيروم فات واتر المنقي للمسام هو سيروم 2 في 1 يستهدف المسام، ويحسن من البقع الداكنه، يفتح، وينعم، وكمان يحارب لمعان البشرة من غير ما يجففها. (أأكيد دلوقتي هتموتي وتشتريه؟). المنتج ده مش بس صديق للبيئة لكن كمان بيوفر وقت لأنك هتستخدميه بإديك من الغير ما تضطري تستخدمي قطن أو مناديل أو أي فضلات ملهاش لازمة تلوث البيئة. اشكري الفنانه ريري بعدين!

سيروم فيتامين C المضاد للأكسد من ميدك أيت

الماركة دي هتخلي روتين النهار بتعاك أبسط من الأول. هدف أمصال فيتامين C هي المساعده على ترطيب وإعادة إصلاح البشرة من خلال عمل طبقة من الحماية ضد الشمس وعوامل التلوث البيئي. ميدك إيت معروفة بتكنولوجيا العناية بالبشرة. السيروم ده مش زي اي نوع سيروم جربتيه قبل كده. هو منتج مميز يساعد على إشراقة البشرة وتوحيد لونها. وده لأنه يحتوي على مكونات مقاومة للشيخوخة، بتحمي البشرة وتحفز إفراز الكولاجين، وتحافظ على مرونتها. جه الوقت انك تجددي في روتين العناية ببشرتك.

ماسكارا لاش فريك من أوربان ديكاي

الماركة المميزة والوحيدة في عالم صناعة المستحضرات التجميلة ديماً مكسرة الدنيا. الماسكارا دي تخطت كل المقايس في تكثيف حجم وطول الرموش. الفرشة بتغطي كل رمش صغير وكبير بشكل كامل، وتخلق حجم مالوش مثيل. إنحناءات الفرشة مصنوعة بشكلها المميز عشان تدي رموشك حجم 40% أطول. خلي رموشك أجمل مع ماسكارا أوربان ديكاي!

سبراي تهيئة البشرة للمكياج إير براش من شارلوت تلبوري

هيئي بشرتك وثبتي الميك اب مع البرايمر سبراي اللي هيديكي تألق من شارلوت تلبوري تركيبة فاخرة ومكونات فعالة تقدر تهدي البشرة وترطبها في نفس الوقت. مكونات زي الألوفيرا والشاي الأخضر الياباني أضيفوا للمنتج عشان ينعم البشرة ويمنع المسام من إنسدادها. منتج أساسي لمجموعة الميك اب بتاعتك.

ماركات محلية

مجموعة تنظيف البشرة (البشرة العادية إلى الجافة) من فيميل كو

زهقتي وانتِ بتقضي ساعات عشان تشيلي الميك اب بتاعك؟ ماركة فيميل كو عملت منظف بلسمي هيشيل الميك اب في ثواني من غير مجهود وفرك. المكونات المعززة في العبوة دي هي زبدة الشيا، زيت الجوجوبا اللي هيساعد على ترطيب بشرة وجهك ويخليها ناعمة زي بشرة الأطفال.

تونر موازن لحب الشباب من هافن

محتاجة تونر لبشرتك؟ سورس بيوتي هترشح أفضلهم. تونر هافن السحري هيساعد على منع وعلاج البقع والحبوب الصعبة لو استخدمتيه بإستمرار. المنتج ده هيحافظ على بشرتك منتعشة وناعمة بمجرد إستعماله كجزء من روتين العناية بالبشرة.

سيروم البشرة إيفري ياي من سوا

بشرة كل واحده فينا بتكون محتاجة عناية زيادة من وقت للتاني. والمنتج ده من سوا هيرجع البشرة تاني للحياة. السيروم يعمل على جميع مناطق البشرة من خلال إضافة 3 إلى 6 قطرات منه في كف إيدك واضغطيه على بشرة وشك ورقبتك. منتجات سوا بتدي البشرة جلسة سبا اللي اي بشرة بتكون في حاجة ليها وتعالج حب الشباب، والندوب في نفس الوقت وكمان تشد المسام.

بيرل اب بايب درجة ساتن بينك من إسنشالز

المنتج ده لكل مدمنين الميك اب، إسنسالز اطلقت منتجات جديدة أحلى من اللي قبلها، هايلايتر للوجه والجسم بتركيبة طبيعية هتدوم معاكي طول اليوم. حطي الهايلايتر على المناطق المرغوبة عشان تبرزيها. الهايلايتر قوامه كريمي يعني هتحسي بسلاسته على وشك وجسمك.

شوكة الشعر من ذا هير أديكت

لكل بنت شعرها كيرلي، شوكة الشعر دي مثالية للتخلص من قعد وتشابك الشعر والحفاظ على شكل الكيرلز زي ما هي خصوصاُ في جو مصر الرطب. استعمليها لو عايزة تدي شعرك حجم أكبر من غير أي هياشان وتطاير. خديها معاكي في أي مكان عشان تستخدميها كل ما تحتاجيها.

مصدر الصورة: Pinterest.com

مشاركة تعليق