مفضلات شهر سبتمبر

الصيف خلاص على وشك الإنتهاء (مع إننا ما استمتعناش به) لكن الأقل في منتجات تجميلية جديدة تشجعك على الحفاظ على روتين العناية الخاص بكي. المنتجات دي معمولة لكل محبين عالم الجمال واللي لازم يجربوا كل جديد. اكتشفي في المقالة دي منتجاتنا المفضلة لشهر سبتمبر.

منتجات عالمية

مرطب هوني بالم جيلي من هدى بيوتي

جاهزو للمنتج اللي هيغير حياتك؟ إزالة المكياج دلوقتي بقى ممتع في مع تطور مستحضرات التجميل وإطلاق منتجات مبتكرة كل شوية تساعد السيدات وتسهل عليهم التخلص من الميكاج والأوساخ. هودا بيوتي أطلقت منتج بلسمي بتركيبة فعالة تتخلص من الميكاج من أول مرة. لو بتدوري على ترطيب فوري وتقليل من خسارة المياه الموجودة في طبقات الجلد الخارجية. المنتج ده هو المناسب ليكي. المزيل فيه ريحة اللافندر اللي هيدي بشرتك توهج فوري وجمال وبشرة نضرة.

مجموعة العلاجية للشعر No 0 Intensive Bond Building من أولابليكس

تعبتي من شعرك الضعيف والجاف؟ المنتج السحري ده هيرجع قوة شعرك وصحة فورة الراس من تاني. مهما كان شعرك تالف المعلاج ده هيعيد بناء كل خصلة من شعرك ويرجع لأي نوع شعر الكثافه والنعومة. أفضل طريقة تبدئي بها شهر سبتمبر هي مع المجموعة العلاجية دي.

ماسكارا بيلو تالك بوش اب من شارلوت تلبوري

جربنا مئات أنواع الماسكرا على مدار السنين اللي فاتت مع كل ماسكارا جديدة تنزل السوق. ونقدر نقول رأينا في أي نوع ماسكارا تعدي علينا. الماسكارا دي تستهال أننا نتكلم عنها كتير. لأنها من أفضل أنواع الماسكارا اللي جربناها في حياتنا. ماسكارا بوش اب لاش هتدي رموشك شكل درامي وجذاب، والاحسن من ده هو أنها بتدوم 24 ساعة. يلا اشتريها وارفعي رموشك للسما.

Gloss-C Lip Gloss من Honest Beauty

ماركة “أونيست بيوتي” غيرت في عالم صناعة مستحضرات التجميل لأنه عملت منتجات تخليكي تحبي نفسك. الممثلة الأمريكية جيسيكا ألبا مؤسسة “أونيست بيوتي” عملت أكتر جلوس شفايف لامع في الدنيا ومعزز بفيتامين C اللي هيغذي، ويرطب ويخلي شفايفك شكلها مليان. بالإضافة لأن قوة اللون بتزيد مع كل طبقة زيادة. اضغطي على اللينك واتفرجي على جميع درجات ألوان الجلوس اللي تليق لك.

كريم المرطب الليلي المضاد للتجاعيد من إت كوزماتيكس

“إت كوزماتيكس” من أكبر المنافسين في عالم مستحضرات التجميل من بدايتهم. ومن أفضل منتجاتهم هوالكريم المرطب الليلي المضاد للتجاعيد اللي يقدر يتخلص من الخطوط الرفيعة والتجاعيد بسهولة ويديكي بشرة رطبة تدوم لأيام. الكريمات الليلية جزء مهم من روتين العناية بالبشرة المسائية وعشان كده “إت كوزماتيكس” عملت الكريم ده اللي هيساعد في حل كل مشاكل البشرة بفضل المكونات الطبيعية المشبعة في عبوة الكريم المعجزة ده.

ماركات محلية

سيروم مورنينج بايب لشد البشرة وإزالة الإنتفاخ من نيوبي لمستحضرات التجميل

مفيش واحده فينا بتحب تصحى الصبح وتلاقي وشها منفخ وبشرتها تعبانة. نيوبي لمستحضرات التجميل حلت لنا المشكلة دي مع سيروم مبتكر يزيل الإنتفاخ ويشد بشرة الوجه ويخليه ناعم ورطب. أبدئي يومك صح مع سيروم “نيوبي” ولاحظي التغيير في بتشرك.

سكراب الجسم بالعود من جلو ‘ان’ جو

لو بتحبي ريجة العود يبقى هيعجبك السكراب ده. السكراب يقدر يتخلص من بعض مشاكل البشرة ويخلي ريحتها عود ناعمة ويديكي إحساس رائع من أول إستعمال. لو بتفضلي سكرابات السكر لإزالة طبقة الجلد الميت يبقى لازم تجربي المنتج ده. واتمتعي ببشرة ناعمة ورطبة.

زيت الجسم بالشيمر درجة لون ذهبي من جيزمو

أجدد إضافة لعائلة زيوت التوهج هي زيوت “جيزمو” للجسم اللي هتخلي بشرتك متوهجة وتحميها من الشمس بفضل عامل الحماية 15%. مين قال أن زيوت الشمير راحت موضتها! المنتج ده لازم تشتريه لو عايزة تحافظي على لمعان وجمال بشرتك.

سي مي ترافل من تيل للعناية بالبشرة

مفيش أحسن من أنك تحافظي على مستحضرات التجميل المفضلة عندك في مكان واحد إلا مع شنطة “سي مي ترافل” العملية وشكلها حلو وتخلي كل منتجاتك في أمان وأنتِ مسافرة. شنطة أساسية وتستحق أنك تشتريها.

زبدة الجسم سيتروس كرايز من بودي تريتس

“بودي تريتس” ديماً بتعمل أفضل المنتجات اللي بتخلينا متشوقين للي جاي. لو انتِ بتعاني من البشرة الجافة وبشرتك مجهدة، يبقى زبدة الجسم دي مثالية للنوع بشرتك. لأنها هتحافظ على كامل بشرتك متغذية ورطبة طول اليوم.

مصدر الصورة: Pinterest.com

مشاركة تعليق