مفضلات شهر يوليو

نتمنى ان يكون عجبكم مفضلتنا من منتجات الشهر اللي فات. عندنا منتجات جديدة حلوة اوي جربناها وحبيناها عايزين نشاركها معاكم. اتعرفي على 7 مستحضرات مشهورة ومعتمدة من فريق سورس بيوتي!

سيروم سي مي بوست من تيل للعناية بالبشرة

براند جديدة! تيل للعناية بالبشرة وفرت لنا منتجات بمكونات طبيعية تماماً، بشرتك نفسها هتشكرك عليه بعدين. السيروم ده مناسب لجميع أنواع البشرة ومثالي لمحاربة التجاعيد. المميز في السيروم هو انه بيمنع تقدم سن البشرة المبكر. يعني لازم تجربيه. يلا ورينا جمال وشباب بشرتك الصيف ده!

غسول جل الطين النقي من لوريال باريس

بعد يوم طويل من التعرض لأشعة الشمس، أحياناً بشرتنا بتحتاج شوية عناية زيادة في روتين قبل النوم. تركيبة الغسول تنظف البشرة، وتتخلص من الشوائب، والأوساخ، والزيوت، والأثار الناتجة عن التلوث البيئي. المميز في الغسول ده هو انك تقدري تستخدميه كقناع أو كغسول يومي للبشرة. الماسك يساعد على شد المسام وتنقية البشرة. استمتعي بالمساك المنعش للبشرة ده!

زيت الجسم إيوفوريك من سنسيرا أروماثيرابي

كمية زيوت الجسم الموجودة في السوق ملهاش حدود، عشان كده أختارنا زيت مختلف. يمكن تكوني فاكرة ان زيوت الجسم منتج من المنتجات المبالغ فيها واللي ملهاش لازمة لكنها مفيدة جداً للبشرة وصحية. زيت سنسيرا الغني مشبع بمكونات عميقة الترطيب واللي محتاجاها أي بشرة جافة في أيام الصيف الحارة جداً. يفضل دهن الزيت على بشرة مبللة عشان تمتص وتتغلغل بسرعة، لأن الماء المتبقي على البشرة مع الزيت هيخلق حاجز يسمح للبشرة بأنها تفضل رطبة لأطول وقت ممكن. جربي الزيت ده واستمتعي بترطيب طول اليوم.

ديسيبلين ماسك كيراتين من كريستاس

لو شعر هايش ومتطاير، ده ممكن ياخد منك وقت طويل في أنك تتحكمي فيه. سواء كنتِ بتعاني من رطوبة الجو أو حجم شعرك الهايش، المنتج ده هيساعدك ويحل كل مشاكل شعرك. ماسك كريستاس عميق الترطيب مصنوع لأي واحده شعرها تقيل وصعب التحكم به. يحتوي الماسك على مادة المورفو كيراتين اللي هيسهل تمشيطه والتحكم به. عايزة شعر ناعم؟ جربي الماسك الفعال ده.

كريم وبودر مزدوج ميجور هيدلاينز دابل تيك من باتريك تا

واحد من أشهر أنواع البلاشر المزدوح اللي عملها خبير المكياج باتريك تا. بلاشر فخم بلونين مختلفين في عبوة واحدة. تقدروا تلاحظوا قد ايه هو بذل مجهود في إنتاج المنتج ده. بلاشر مميز، عبوة تحتوي على لونين واحد بودرة والتاني قوام كريمي. ببساطة تقدري تحطي منه بأطراف الأصابع لعى خدودك وهتعملي أحلى أورق مظهر طبيعي. لازم تجربيه!

مرطب خفيف ماجيك كريم من شارلوت تيلبري

شارلوت ابهرت العالم من تاني بمنتج جديد عمل ضجة كبيرة! منتج مستوحة من كريم شارلوت السحري (ماجيك كريم) لدرجة انها عملت كريم شبه لكن بقوام خفيف لأصحاب البشرة الدهنية. كل اللي انتِ محتاجة من كريم الوجه للبشرة الدهنية هتلاقيه في المنتج ده عشان تنعشي وترطيب بشرتك. الكريم فيه واقي شمس 20% يحمي ضد الأشعة فوق البنفسجية والأشعة الحمراء الضارة. المنتجات النظيفة هي من ضروريات الصيف ده.

ميست مرطب جلو كوكو من هدى بيوتي

من تاني وكالعادة، هدى بيوتي أطلقت منتج جديد أبهرت به نفسها هي شخصياً. ميست مرطب هيغمرك بريحة جوز الهند. لكل بنت بتحب المكياج الندي المضيء لازم تجربي الميست ده. هو عبارة عن سائل قوامة كريمي، معزز بماء جوز الهند، الحليب، وقطرات من زيت جوز الهند، تركيبة تذوب بسلاسة، وترطب البشرة وتنعمها من غير ما تخلي بشرتك دهنية ولزجة. ميست حلو جداً وريحته أحلى وأحلى.

مصدر الصورة: Pinterest.com

مشاركة تعليق