مقابلة مع “فيكتوريا” والنظام الغذائي النباتي

في شهر نوفمبر السنة دي اجتمع كل من يتبع النظام النباتي للأحتفال بإتباع نظام غذائي خالي تماماً من مكونات اللحوم. النظام الغذائي هو أسلوب حياة يستبعد تماماً أي حاجة لها علاقة بالحيوانات، ومنها تجنب اكل اللحوم، والأسماك، والبيض، والألبان والعسل، واستخدام الجلود، والفرو، ومنتجات تجميل مختبرة على الحيوانات. أحنا عملنا مقابلة مع “فيكتوريا ” المقيمة في القاهرة وكلمتنا عن أسلوب حياتها النباتي وتوصيتها لنا لو عايزين نغير إلى أسلوب حياة نباتي. أجرينا مقابلات في القاهرة ، فيكتوريا ، حول أسلوب حياتها النباتي وما توصي به لجعل التبديل البسيط والسهل.

أحكي لنا عن نفسك وإزاي بدأتي تتبعي النظام النباتي؟

أنا درست تغذية لمدة سنتين، كنت دائماً عندي وعي صحي، كنت فاكرة أن صحتي كويسة، احضر كل يوم بيضتين على الفطار عشان ادخل البروتين في أكلي، وعلى الغذاء أأكل صدر فرخة وسلطة (نظام غذائي عادي) بعدين بدأت أتعمق في موضوع التغذية أكتر ومن هنا بدأت اتعلم عن النظام الغذائي النباتي. جربته لمدة شهر واحد بس وبعدين رجعت أكل زي الأول، كان هدفي الأساسي هو لأسباب صحية وبعدها بدأت اعرف أكتر عن انعكاسه على الحيوانات وبدأت كمان أوعى اكتر عن آثاره على الحيوانات. ومن هنا قررت امشي على نظام غذائي وأسلوب حياة نباتي وجوزي واولادي عملوا زي. دلوقتي البيت كله فيجين (نباتي) رغم ان زوجي أكيل لحوم لكن دلوقتي هو حاسس بتغيير، وصحة أفضل وخسر وزن كمان، وبيدعمني اكتر من الأول.

ايه هي أول خطوة للترويج لأسلوب الحياة ده؟

بدأت مدونة طعام لما حبيت اشارك معلومات مع الناس اللي عندهم حيرة من كم المعلومات الخاطئة المنشورة. تجربة نظام غذاء كدابة حاجة محبطة جداً. بدأت أنشر صور لأكلي بعد ما اتعلمت شوية عن التصوير بعد كده بدأت أحضر وصفات سهلة ومكوناتها متوفرة في السوق المصري

ازاي عملتي مشروع من النظام الغذائي وإزاي بدأتي فيه؟

اتكلمت مع فنادق ومطاعم عشان اوفر لهم أكل نباتي في المنيو بتاعهم لكن للأسف لأنه مش لسه مش مقبول وبس كام معطم هم اللي وافقوا زي مطعم Frank & Co في المعادي، بعدها قررت أبدأ مشروع نباتي واللي أطلقته من أسبوعين. أحنا حالياً بنوصل بس داخل العادي لكن هدفي مش بس أبيع أكل لأن أحنا ماركة بتروج أسلوب حياة، أحنا كمان عايزين ندعم الأشخاص أنهم يتبنون نظام حياة نباتي تماماً وان يكون عندهم وعي عن اأكلهم. حابه اوفر الدعم للناس اللي نفسها تاكل نبات اكتر لنظامهم الغذائي عشان كده أنا بعمل ورش عمل ودروس أكل كمان.

ايه هي المكونات النباتية الأساسية اللي تنصحي انها تكون موجود في بيوت قرائنا؟

المنتجات البسيطة جداً هي أساس النظام الغذائي النباتي زي الفاكهة، والخضراوات، والبقوليات، والفاصوليا، والحبوب الكاملة (الرز البني، المكرونة البني)، والمكسرات والبذور عشان تدخلي الدهون الصحية. في سوبرماركت في المعادي ببيع توفو عشان تستخدميه كبديل للحوم في الأكل. ابدعي في الطبخ لأنك مش محتاجة مكونات كتيرة.

تنصحي بإية الأشخاص اللي عايزين يتبعوا نظام غذائي وأسلوب حياة نباتي؟

أنا بدأت تحدي اسمه “وجبة نباتية واحدة في اليوم” في أول شهر نوفمبر (وهو شهر النظام الغذائي) نصيحتي هي ان الواحد ياخد خطوات صغيرة وهي طبخ وجبة نباتية كاملة مرة في اليوم، وأكل خضروات بس على الفطار وبعدها الغدا والعشا. أنا عندي أصحاب حولوا لنظام نباتي مرة واحدة، الموضوع يعتمد تماماً على الشخص ولو هو عايز بديل أكل صحي.

مؤخراً كتبتي بوست عن الباستا هل بيجي لك أسئلة كتير على الباستا بالنسبة لنظام لأكل النباتي؟

أيوه، ناس كتير قلقانة من الباستا وأن الكربوهيدرات هتزيد وزنهم، وده يثبت لي قد ايه في معلومات غلط عن الأكل والكربوهيدرات. أنا هعمل دورة أسمها “مقدمة عن النظام نباتي” أدي فيها معلومات صحيحة ومفيدة للمحتاجين يتعلموا أكتر عن الأكل وايه اللي بيدخل جسمهم. بحب افيد الناس بأساسيات التغذية والأكل وبشجع اي حد انه ياكل نشويات بحبوب كاملة وصحية والغير ضارة زي الحلويات والسكر الأبيض. الناس بتشيل تماماً النشويات من أكلها وتبقى محتارة ليه معندهاش طاقة. أنصح بأكل الحبوب الكاملة الغير مكررة والأكل الغير معالج.

ايه هي بدائل منتجات اللحوم الألبان المفضلة عندك؟

اللحوم مش من جزء من الأكل بالنسبة لي دلوقتي! ممكن تبديل اللحمة المفرومة بفول الصويا الجاف، الفاصوليا، البروكلي، العدس، أو الحمص، أو التوفو. تقدري تحصلي على البروتينات من الخضراوات. انا ببدل حليب البقر بحليب اللوز وبعلمه في البيت وبجهز كميات كبيرة لأن المتوفرة في السوبر ماركت غالية جداً، الأجبان اللي بنشتريها لأطفالنا بتكون جبنة نباتية مستوردة ومتوفرة في السوبرماركت الكبيرة في القاهرة.

في رأيك ورش العمل لترويج حياة بدون منتجات ألبان حققت تغيير هل هتعملي ورش عمل تاني في المستقبل القريب؟

في ناس كتير مهتمة بالموضوع، لكنها محتاجة تنظيم أكتر، الناس فاكرة انها لو عملت لبن في البيت هياخد منهم وقت كتير أو هتكون صعبة لكن في طرق كتير بسيطة لصنع اللبن في البيت. أتمنى أن ورش العمل بتاعتي تقلل من حيرة الناس للي حابه تتبنى نظام حياة نباتي.

تنصحي قرأنا بإيه لو عايزين تتخلص من السموم في جسمهم وإزاي يتبعوا نظام صحي أكتر؟

أفضل طريقة للتخلص من سموم الجسم هي عدم أكل منتجات اللحوم لأنها بتسبب التهابات خصوصاُ منتجات الألبان. دخلوا في أكلكم خضروات أكتر. وكمان مش بشجع تنقية الجسم من السموم بشرب العصائر لمدة معينة وبعدها الناس ترجع تاني لأكلها العادي لأن الطريقة دي بتضر مش بتفيد. أفضل طريقة لتنقية الجسم هي آكل نباتات وخضروات أكتر من أكل اللحوم ومنح الجسم راحة من منتجات اللحوم والألبان على قدر الإمكان.

لو حابين تعرفوا أكتر عن “فيكتوريا” والقصة وراء وصفاتها النباتية ادخلوا على اللينكات دي:

Website: www.sincerelyv.com

Instagram: @sincerelyv_plantbased

Vegan Delivery: www.sincerelyv.com/menu

 

مشاركة تعليق