كلنا بنحب درجات المناكير النود، وعشان كده ضروري تختاري درجة النود اللي تليق على لون بشرتك. خبراء المناكير الخاصين بالمشاهير بينصحوا اننا نختار لون مناكير شيك وأنيق إما درجة أفتح من بشرتك أو أغمق، عشان يدي جمال أكتر لشكل إيدك. في المقالة دي احنا جمعنا 10 أفضل ألوان مناكير تساعدك تختاري الأنسب للون ودرجة بشرتك.

أفضل الألوان للبشرة الغامقة.

مناكير جل كوتور درجة أوف كورست من إيسي

لون بيج شفاف سلس وسهل الاستعمال على الضوافر. واحد من أجمل الدرجات لو نفسك في مناكير مناسب لكل يوم. ولأن مفيش أجمل من البساطة درجة النود دي هتتوازن وتتماشى مع لون بشرتك وتخلي شكل إيدك ناعم ونظيف.

مناكير لون بف من فيك

فيك هي واحده من البراندات المعروفة بدرجات النود بتاعتهم. عندهم مجموعة كبيرة من ألوان النود تناسب كل ألوان البشرة فا مش هتحتاري كتير وانتي بتنقي اللون اللي يناسبك. تركيبة المناكير ده شبيها لتركيبة المناكير الجل اللي بيدوم لفترة طويلة وأكيد أي بنت بتدور على مناكير يدوم لأطول فترة ممكنة.

مناكير لون بارتيكولير من شانيل

شانيل هي براند الفخامة خصوصاً مع ألوان المناكير اللي بتنتجها. قوام مناكير شانيل مركب بطريقة تديكي عناية وتغطية لكامل الضافر من أول طبقة. تصميم العبوة لفت نظرنا بسبب جمال وتوزان ألوان البيج الغامقة ودرجات الكارميل المثالية. لون لازم تجربيه!

أفضل ألوان المناكير للبشرة المتوسطة!

مناكير ناكيد من ديبورا ليبمان

مناكير مميز جداً، هيضمن لك ضوافر صحية من أول طبقة من غير أي أضرار. تركيبة جل مش مضطرة تستخدمي معاه ضوء حراري، وفيه مكونات مفيدة للضوافر. هيوفر لك لون وشكل لامع وملفت.

كريستيان لوبوتان، طلاء الأظافر في توتول

المنتج الغالي سعره فيه وبيدي النتيجة والشكل المظبوط. تصميم العبوة دي جذبت وخلت االبنات تصرف كل فلوسها اليوم اللي اطلق فيه المناكير ده. مناكير ألوانه بجمنتد جداً ولامعة. مع طبقتين منه هتلاحظي قوامه الغني وشكل ضوافرك الجذاب.

مناكير ترياميسو فور تو من أو بي أي

مين ما يحبش شكل حلويات التيراميسو اللذيذة مع شوية لمعان إضافي! مناكير غني بألوان القهوة الكريمية هيخلي شكل ضوفرك مختلف عن أي درجة نود مثالية جربتيها قبل كده. منتج معمول صح وواحد من أفضل ألوان ودرجات النود الموجودة في السوق. لون كريمي بقوام خفيف هيدي ضوافرك وإيدك شكل أنيق وهيناسب كل هدومك. جربيه وشاركينا رأيك!

أفضل ألوان المناكير للبشرة الفاتحة.

مناكير أش روز من بربري

لو بتحبي برفانات براند بربري يبقى أكيد لازم تجربي المناكير بتاعهم. درجة لون الروز على ضوافرك هتدي معنى جديد لألوان النود. ألوان النود مش بس بتكون بيج لكن في منها كمان درجات روز. الحلو في المناكير ده من بربري هو أن تركيبته هتديكي نتيجة لمعان حقيقي وجفاف سريع.

مناكير ديو من جينسون

جينسون معروف بإنتاج مناكير بألون متعددة وتصاميم مبدعة. الدرجة دي مثالية للبنات اللي عايزة لون أبيض شفاف شبه قماش الأورجانزا. مناكير خالي من المواد السامة وهيرضي كل إحتياجاتك.

مصدر الصورة: Pinterest.com

مشاركة تعليق