بما إننا بقينا خبراء في روتين العناية بالبشرة بنتفاجأ دايما بفواتير شراء لمنتجات كتير. خلينا متفقين ان تقريبا نص مرتب الشهر بيضيع بس على منتجات بنسمع انها فعالة ( والنص التاني على الأكل أكيد) المهم نكون مواكبين لكل جديد في السوق. بغض النظر عن المرطبات، أو أنواع السيروم والزيوت المختلفة، أو مقشرات الجسم، العناية بالنفس مهمة. بس مين قال ان المنتج الفعال لازم يكون غالي؟ سورس بيوتي بتقدملك منتجات مفضلة فعالة على قد الايد وبقل من ٢٠٠ جنيه، ايوة ده حقيقي

ماء ميسيلار منظف للوجه ومزيل للمكياج – غارنييه

ماء الميسيلار من غارنييه المنظف للبشرة والمزيل للمكياج واحد من المنتجات المفضلة عندنا واللي مش عارفه أحنا هنا عشان نقولك أنك لازم تجربيه في أسرع وقت ممكن. زي المغناطيس في مادة مذيبة بتتخلص من الأوساخ والمكياج. وعشان كده ماء الميسيلار مثالي للتنظيف لأنه بيتخلص من الشوائب من غير الحاجة لفرك البشرة جامد وبيخلي البشرة نظيفة جداً ومنتعشة من غير ما يسبب جفافها. المنظف المتعدد ده ممتاز لتنقية البشرة.

قناع كاربون دست – تريس 

قناع مصنوع من مكونات سحرية زي طين الكاولين، وطين البنتونيت، والفحم النشط. الماسك الفعال ده من تريس مصمم لإستهداف الحبوب والتخلص من الإفرازات الدهنية الزائدة. مكونات لطيفة على البشرة بتعمل لتنقيتها وتصغير المسام وبتدي الوجه نظافة طبيعية

لب بالم سترالاين المرطب – حياة

ماركة حياة من الماركات اللي كسبت ثقتنا وفعلاَ نتيجتها مضمونة بمنتجات العناية بالبشرة بتاعتها. واحد من المنتجات اللي تستهال التجربة هو مرطب الشفايف سترالاين الغني بزبدة الشيا (محتاجين نقول أكتر من كده؟) كمان بيتخلص من جفاف وتهيج الشفايف عند استعماله بشكل يومي. يعني شفايفك هتكون متغذية، ورطبة، ومليانة ودي حاجة من الحاجات اللي بنحتاجها في الجو ده.

ميست مرطب للوجه – إسنشالز

من المنتجات الضرورية التانية هو ميست وجه مرطب. ميست إسنشالو مناسب لجميع أنواع البشرة وبيدي إحساس بالبرودة بفضل تركيبته الغنية بحمض الهيالورونيك والبانثينول اللي بتحبس الترطيب داحل البشرة وتعيد إحياء البشرة المجهدة والجافة. كمان بيحتوي على الألوفيرا وهو واحد من المكونات المغذية للبشرة المهدئة والمثالية لمدها يالإنتعاش في أيام الصيف المشمسة

شاور جل كوكونت فليكس – بودي بليز

أحنا من أشد معجبين المنتج ده من بودي بليز, تركيبته كريمية وجميلة وبتعمل رغوة كثيفة تنظف البشرة بلطف وبتخلي ريحتها حلوه ومنتعشة.

بلسم بالعسل والأفوكادو – ايفر يونج

ايفر يونج من الماركات اللي اطلقت مؤخراً على سورس بيوتي وأحنا منبهرين بكل منتجاتهم. ايفر يونج بتوفر منتجات للعناية بالشعر وبتستهدف احتياجاته سواء كان كيرلي أومفرود أو مصبوغ. الشامبوهات والبلسم بتاعتهم هتخلي الشعر في أفضل حالته. من التشكيلة اللي بنحبها هو بلسم العسل والأفوكادو، بلسم طبيعي خالي من السلفات وغني بزيت الأفوكادو والعسل المصري النقي المطور لتحسين شكل وملمس الشعر والحفاظ عليه ناعم ومن غير تطاير

برفان سبلاشي فريشي للشعر والجسم – سكروبي بوبي

المنتج ده بقى واحد من الأعلى مبيعاً على موقنعا وده لأنه خالي تماماً من الكحول والعطور المصنعة. برفان سبلاشي فريشي ريحته نظيفة ومنعشة ومضاف إليه مكون الجلسرين، يعني مش بس هتستمتعي بثباته طول اليوم لكن شعرك كمان هيكون لامع وصحي.

جل تسمير مكثف – لونا

جل التسمير المكثف من لونا لازم تجربيه! هتاخديه معاكي في شنطة السفر طول فصل الصيف. الجل غني بخلاصة الجذر، ومعزز بزيت الجوجوبا وهيدي البشرة لون أسمر مثالي ويحافظ على بشرتك رطبة ويديها توهج في نفس الوقت. لو بتحبي منتجات التسمير وفيها عامل واقي من الشمس زيت صن تان المسمر ده بردو حلو جداً.

مصدر الصورة: Shutterstock

مشاركة تعليق