منتجات مفضلة لشهر ديسمبر

شغلوا اغاني الاحتفالات، شهر ديسمبر وصل! احنا في أجمل وقت من السنة. كلمة احتفال مش كفاية مع كل الزينة اللي متعلقة في الشوارع. ايه اللي ما يتحبش في الشهر ده؟ رغم ان كلنا عارفين ان الأحتفال بالكريسماس وراس السنة المرة دي هيكون مختلف شوية، لكن كمان عارفين ان مفيش حاجة هتمنعنا من الاحتفال بالموسم ده بردو. اعرفي في المقالة دي المنتجات المفضلة عندنا لشهر ديسمبر.

مستحضرات أجنبية

كريم اليدين بزبدة الشيا – لوكسيتان

رغم إحساسنا بدفء الشتاء إلا أن الجو البارد يسبب جفاف لأيدينا، مع كريم لوكسيتان بزبدة اشيا هو الحل للتخلص من المشكلة دي. احتواء الكريم على مكونات العسل، ومستخلص اللوز، وزيت جوز الهند الممزوجين مع زبدة الشيا عشان يخلي التركيبة دي غنية وفعالة جداً. مش بس ريحة الكريم ده حلوه لكن كمان قوامه رائع وهيخليكي عايزة تدهنيه على إيديك طول اليوم.

زيت الشفايف ماجيك كريستال إليكسر بلون بيري بليس – شارلوت تيلبور

أسم منتج علامة شارلوت تيلبوري بتحكي عن نفسها. زيت الشفايف كريستال إليكسر بيدي تنت حلو أوي للشفايف ومركب من مجموعة مكونات زي حمض الهيالورونيك، مستخلص نبات الألوفيرا العضوي ومكيف طبيعي نباتي ومكونات تانية. الزيت يجمع ما بين قوة السيروم وإحساس الزيت ودرجة لون تخلي شفايفك شكلها وأحساسها وملمسها ناعم، نضر ومليان.

أقلام عيون سوفت تاتش – مارلي نورمان

أقلام عيون سوفت تاتش من مارلي نورمان الحائزة على جوائز تم صنعها على انها تكون متعددة الأستخدامات. تستخدم في عمل رسمة عيون سموكي أو كأساس بودرة لتثبيت الاَي شادو وكمان بيجي منها درجات ألوان مختلفة تختاري منها من ضمنها درجات معدنية تستخدم على دمعة العين عشان تخلقي ميك اب ناعم مثالي لموسم الاحتفالات

ماسك الشتاء ليف مي أون – مود ماسكي

احمي بشرتك من برودة الشتاء مع الماسك المعروف بقوة ترطيبة. المنتج هيخلي بشرتك ناعمة طول اليوم كأنك حاطة ماسك مرطب طول الوقت. ماسك الشتاء ليف مي أون من مود ماسكي هيعمل طبقة من المكونات المرطبة زي مكون السكوالاين، وطين الحمم البركانية المغربي، ومزيج من الزيوت النقية اللي قادرة على التغلغل جوه طبقات الجلد الجافة والمتشققة والبقع الخشنة وكمان تحمي بشرتك من البرد

هايلايتر اي نيد انود جلو – ناتاشا دينونا

في حب الهايلايتر وكل حاجة بتلمع – الهايلايتر الباودر متعدد الأبعاد والمركب من قوام مخملي ناعم هيخليكي متوهجة طول اليوم. التركيبة المرطبة تناسب جميع أنواع البشرة وكمان خفيفة جداً عليها. درجة لون الشمبانيا هتحلي ألوان البشرة كلها وتليق على الجميع.

منتجات مصرية

مناكير سولار جل لون رويال روبي – لونا

مع طول فترة موسم الإجازات والاحتفالات بنلاقي نفسنا رايحين جايين على الكوافير عشان نعمل باديكير ومانكير وضوافر شكلها مثالي. مناكير سولار جل من لونا هيديكي أحلى مناكير جل ممكن تعمليه في ثواني ويدوم معاكي حتى 15 يوم! خلي ضوافرك شكلها منتعش ولامع في أي وقت ووفري على نفسك وقت وفلوس مع مناكير لونا سولا جل. لون رويال روبي مناسب جداً للموسم ده لأن  مين مش بيحب الأحمر الغامق.

ماسك جايد للوجه  – ايرث اوالز

علامة ايرث أوالز ديماً بتبهرنا بكل منتج طبيعي وخفيف وحلو على البشرة هي بتصنعه. ماسك جايد المنقي مصنوع من مكونات مغذية زي مستخلص الخيار اللي قادرة على تنظيف البشرة ومدها بالنعومة، والاشراقة وتخليها أنقى.

زيت هير فود – زيوت بي بيور

العناية بالشعر مهمة خلال فصل الشتاء والحفاظ على شعرك متغذي كويس يحميه من عوامل الطقس القاسية ويخليه حريري ولامع طول الموسم. زيت هير فود مركب من مزيج زيوت طبيعية زي زيت الروزماري، وزيت الخردل، وزيت الجرجير. استعملي المزيج للعناية بشعرك لتعزيز نموه، وقوته، ولمعانه.

رولر مساج كريستال جايد – كريستال ميوز

رولر لتدليك الوجه مصنوع من حجر اليشم الكريم، تساعد على تحفيز الحركة الدموية في الوجه، تقلل الإنتفاخ وتدي توهج طبيعي وشباب للبشرة. استعملي الرولر مع الزيت، أو الكريم، أو السيروم المفضل عندك للحصول على أحلى جلسة مساج للوجه من البيت! هتلاحطي بعد استعمالها بانتعاش وبشرة مشدودة بالإضافة لأن حجر الكريستال معروف بتحفيز الطاقة الإيجابية والشفاء. (مين مش عايز طاقة إيجابية اليومين دول؟)

إسفنجة ذا إيدجت بلون بنفسجي – بيوتي تولز

في شهر ديسمبر ومع موسم الاحتفالات كلنا عايزين نخرج بميك اب مثالي ومفيش طريقة أحسن من أنك تعملي ده باسفنجة متعددة الأبعاد تمزج لك كريم الأساس بتاعك والكونسيلر والبلاشر الكريمي أو بودرة تثبيت الميك اب حتى الكمال. البلندر هتكمل مجموعة الميك اب بتاعك وتكون إضافية مهمة ليها وخبراء تجميل كتير بيفضلوا يستعملوها عن الفرش.

 

مصدر الصورة: Pinterest

مشاركة تعليق