رغم دخولنا في فصل الصيف ومع زيادة درجة الحرارة دلوقتي ده حمسنا أكتر وخلانا نركز على الوقت اللي هنقضيه على الشط والبخر ونعمل تان ومش فارق معانا الحر. ولأن العيد فاضلة أسبوع كلنا هدفنا تسوق منتجات تحمي بشرتنا من الشمس وتديها توهج وجاذبية طول فترة الصيف. 

ماركات مصرية

زيت مقوي للشعر – او ار اس

زيت (او ار اس) يحتوي على مكونات مغذية للشعر زي زيت الأرجان، وزيت الزيتون، وفيتامين هـ، وزيت الروزماري. وهو واحد من أكتر منتحات (او ار اس) الأعلى مبيعاً بفضل قدرته على تقوية وتغذية الشعر ومده بالفوائد اللي بتخليه صحي ولامع.

غسول جلو للوجه – ريا بيوتي

غسول للوجه مركب من حمض الساليسليك لتنظيف البشرة ومعزز بزيت اللوز المرطب. غسول جلو  المنظف للبشرة بيعمل على تنقية البشرة وبيديها توهج يدوم. تستعمل كمية من الغسول على بشرة وجه مبللة ويدلك بحركة دائرية ويشطف بالماء وهيخلي البشرة منتعشة وصحية

مناديل بالألوفيرا والخيار – جويل

مناديل مزيلة للمكياج طبيعية؟ ايوه متوفرة على سورس بيوتي. كان من زمان نفسنا في حاجة كده زي مناديل جويل المزيلة للمكياج المقاوم للماء والمنظفة للبشرة من الشوائب وكمان بتهدي البشرة وتنعشها.

كريم بالجلسرين – إيفا 

تم توفير منتجات إيفا مؤخراً على موقع سورس بيوتي وكريم الجلسرين ده واحد من الكريمات المفضلة عندنا من مجموعة الجلسرين الخاصة بالماركة. تدهن كمية كافية منه على الإيد والجسم ويدلك بلطف وهتلاحظي التحول في ملمس وشكل ونعومة بشرتك.

سبراي مفذي للشعر بزيت الزيتون – او ار اس

سبراي خالي من الكحول غني بزيت الزيتون بيدي لمعة للشعر من غير ما يخليه دهني، وكمان يغذيه ويعيد توازن مستوى الترطيب الطبيعي لشعرك. ممكن كمان يستعمل كسبراي لتثبيت الشعر المبلل قبل ما يجف لزيادة لمعان الخصلات وقبل تجفيف الشعر بالسشوار لمظهر شعر حريري. بنحب المنتج ده جداً … وكمان ريحته تجنن!

ماركات عالمية

تنديد لوف شارلوت تلبوري

ماركة شارلوت تيلبوري بتوفر مستحضرات عناية بالبشرة ومكياج مميزة ومع تنت (تينتد لوف) واحد من أخر إصداراتها كمان منتج مميز وواحد من مجموعة كبيرة من ألوان التنت الطبيعية للشفايف والخدود معززة بحمض الهيالورونيك المرطب وفيتامين هـ بقوام خفيف قابل للبناء وثابت.

كريم بون ديا – سول دي جينيرو

كريم غني من سول دي جينيرو ريحته حلوه جداً وبيخلي ريحة البشرة جميلة. كريم مشبع بمزيج من الزبدة وأحماض ألفا هيدروسي المستخلص من الفاكهة. كريم يعمل على حبس الترطيب داخل البشرة وتعزيز مرونتها ويمتص بسهولة عند استعماله. من المكونات المميزة كمان في الكريم هو فيتامين سي اللي بيستهدف البشرة الباهتة والبقع الداكنة وبيدي البشرة إشراقة. خلي بشرة جسمك جاهز للصيف مع كريم سول دي جينيرو المغذي!

ماسك ار + ار – سمر فرايدز

ماركة (سمر فرايديز) أصبحت من الماركات المبتكرة بمنتجات حائزة على جوائز عديدة زي ماسك (أر + ار) للوجه. الماسك غني بأوارق الورد البري المطحون وخلاصة زيت الزهرة الدمشقية العطري اللي بتعمل على تقشير البشرة ومدها بالترطيب وتخليها متوهجة وأنعم من أول استعمال.

جلو سكرين  مع عامل حماية 30 – سوبر جوب

ملمع جلو سكرين من سوبر جوب يستعمل كخطوة أخيرة في روتين العناية بالبشرة وهيعمل زي ما بتوصفه الماركة البرايمر اللي هيخلي بشرتك متوهجة. مركب من مزيج مميز من حمض الهيالورونيك وفيتامين بي 5 البرايمر مش بس هايلايتر لكن كمان هيحمي بشرتك ويعزز الترطيب فيها ويخلي شكلها صحي ومنتعش. التركيبة كمان مشبعة بالنياسيناميد واللافندر اللي بتشد المام وتوفر مضادات أكسدة وحماية من الجزيئات الحرة وتحمي من أشعة الشمس فوق البنفسجية والحمراء.

ذا فيس – تان لوكس

تركيبة مركزة ومنتج مبتكر حائز على جوائز. منتج  ضروري لأي روتين عناية بالبشرة. سائل يحول أي مرطب، أو سيروم لمنتج مسمر ذاتي خاص بيكي. تم تصميم العبوة مع قطارة عشان تسهل التحكم في كمية السائل اللي محتاجاه وعدد القطرات، ده غير أنه فيه مكونات مفيدة للبشرة زي زيت بذور التوت، وفيتامين هـ، والألوفيرا اللي هترطب، وتغذي البشرة وتخليها متوهجة وتجمل درجة لون بشرتك

مصدر الصورة: Pinterest

مشاركة تعليق