نصائح عند إزالة شعر الحواجب

سواء كانت حواجبك تقيلة، رفيعة، أو كل شعرة في حته. الحواجب تساعد في تحديد الوجه ولها تأثير كبير على اللوك اللي انتِ عايزه. لو بتحبي حواجبك مرسومه أو بتشيلي بس الشعيرات الزيادة. إزالة شعر الحواجب بالفتلة هي من أفضل الطرق لحواجب مثالية، ومحددة، ونضيفة، وبأقل ألم ممكن. الجزء السلبي الوحيد في الفتلة هو أنها ممكن تؤدي لظهور حبوب حوالين المنطقة اللي تم إزالة الشعيرات منها، أو تدخل بكتيريا في المسام، أو أوساخ تسدها. لكن أحنا بحثنا قرأنا كويس وهنقولك على نصائح تساعدك في تجنب أي حبوب ناتجة عن إزالة الشعيرات. اعرفي ايه هم في المقالة دي.

1- تلج – تلج

دلكي الجزء اللي تم إزلة شعيرات الحواجب منه بالتلج قبل أو بعد إزالة شعيرات الحواجب للتخلص من أي إنتفاخ أو إحمرار. التلج كمان يقدر يساعد في شد البشرة من خلال إنقباض الشعيرات الدموية وتصغير حجم المسام ومع أي بكتيريا من الدخول.

2- ممنوع اللمس

اتأكدي ان اللي بتعملك حواجبك او خبيرة التجميل ما تحطش إيديها إو صوابعها على وجهك أو المنطقة حوالين الحواجب وهي بتعملك فتلة. وخلي بالك أنتِ كمان انك تلمسي بشرة وجهك وحواجبك. تجنب ملامسة الوجه هيمنع أي أتربة، أو أوساخ، أو بكتيريا على إيديك من الوصول لبشرتك والتسبب بأي إحمرار أو طفح جلدي

3- واقي الشمس

ديماً يفضل تجنب التعرض لأشعة الشمس بعد إزالة الشعيرات وده لأن بشرتك بتكون حساسة ومعرضة للضرر أكتر بسبب الأشعة فوق البنفسجية. ادهني على بشرتك واقي شمس قبل الخروج.

سورس بيوتي ترشح لك إستعمال واقي الشمس والمرطب من إسنشالز المركب من فلترات تحمي من الأشعة فوق البنفسجية والحمراء وتحافظ على ترطيبها.  

4- ممنوع الميك اب

امنعي تماماً استعمال مستحضرات التجميل زيت أقلام رسم الحواجب و الاي شادو بعد إزالة الشعيرات واستني كام ساعة قبل الميك اب لأنه يقدر بسهولة سد المسام ويحتوي على مكونات كيميائية ممكن تكون مضرة على المناطق اللي تم إزالة الشعر منها. خصوصاُ المستحضرات اللي فيها عطور واستعملي مستحضرات خالية من العطور وفيها مكونات لطيفة على البشرة  وطبيعية.

سورس بيوتي ترشح لك إستعمال مزيل المكياج الطبيعي 100% من نون اللي هينضف البشرة ويغذيها ويدي بشرتك توهج.

5- جمالك بماء الورد

حطي ماء ورد على قطعة قطن وامسحي بلطف المناطق اللي تم إزالة الشعيرات منها، ده هيقلل نسبة الإنتفاخ والإحمرار وكمان ينعش ويخفف الألم ويمنع حب الشباب وظهور البثور. ملاحظة: لو بشرتك حساسة من المنتجات اللي فيها عطور استعملي التلج بس.

سورس بيوتي بترشح لك إستعمال ماء الورد من اريج اروماثيرابي اللي يبرد وينظف المسام ويحافظ على ترطيب بشرتك

6- سيطري بالتونر

استعملي التنور يكون فيه مكون الويتش هازل أو حمض الساليسيليك. الخصائص الموجودة في الويتش هازل تقدر تقلل حجم المسام وتخرج أي أوساخ موجودة داخل البشرة. حمض الساليسيليك مش بس بيدوب الزيوت العالقة في مسام الشعيرات لكن كمان بيقتل أي بكتيريا.

سورس بيوتي ترشح لك تونر الوجه المرطب بالخيار من هافن اللي جمع زيوت عطرية أساسية والويتش هازل لتنظيف الأوساخ المتراكمة وترطيب البشرة.

 

مصدر الصورة: Pinterest

مشاركة تعليق