نصائح للتخلص من الشعر الدهني

من أكتر الحاجات اللي أي بنت بتكرها هو الشعر الدهني. سواء كان شعرك دهني طبيعي أو لو عايزة تخلي شكل شعرك منتعش ما بين كل غسلة. أحنا عندنا الحل في المقالة دي سورس بيوتي هتقولك على منتجات متنوعة سهلة الاستخدام ونصائح وطرق تساعدك أنك تخلي شعرك متجدد وشكلة نظيف.

نظفي فرشة الشعر بتاعتك

الزيوت وبقايا المنتجات أغلبها بتفضل على فرشاة الشعر بتعاتك، وده معناه أن أي بقايا من الأتنين هتتنقل على شعرك النظيف اللي لسه مغسول. تنظيف فرشاة الشعر بشكل منتظم واحدة من الطرق البسيطة والفعالة في محاربة الشعر الدهني. لو محتاجة فراشاة تفك تشابك الشعر استعملي فرشاة ألترا تانجل تيمر من ماركة دن مان

تنظيف أكياس المخدة

زي فرشاة الشعر بالظبط بقايا مستحضرات العناية بالشعر كمان بتتنقل لأكياس المخدة والبقايا دي مش بس بتخلي الشعر دهني لكن كمان بتسد مسام البشرة. غسل أكياس المخدةة بشكل منتظم هيمنع ده من أنه يحصل. ونصيحة تانية مفيدة جداً هي أنك تستعملي أكياس مخدة مصنوعة من الحرير للتحكم في إفراز الزيوت من الشعر. جربي كيس مخدة حرير من سليك.

غسل الشعر بشكل مفرط

غسل الشعر بشكل مفرط يؤدي لإفراز دهون أكتر عن العادي وده لأن غسل الشعر بيزيل الزيوت والدهون الطبيعية اللي في الشعر والنتيجة هي أن الجسم يبدأ يفرز دهون أكتر عشان يعوض ويرطب فروة الرأس. حاولي تغسلي شعرك من مرة إلى مرتين بس في الأسبوع لموازنة الإفرازات الدهنية.

استعمال شامبو وبلسم خالي من السلفات

الشامبو الخالي من السلفات هو من أفضلهم للشعر الدهني. السلفات هي مواد عادتاً بتزيل طبقة الزيوت من فروة الرأس. استعملي شامبو و بلسم بخلاصة االألوفيرا من ماركة ايفر يونج لترطيب عميق لفروة الرأس والشعر والحفاظ على توازنهم وصحتهم.

تقليل استخدام منتجات الشعر

لو شعرك معرض لأنه يكون بسهولة قللي من كمية منتجاتا لشعر اللي بتستخدميها. لو بتغسلي وترطبي شعرك بشامبو وبلسم يوازن مستويات الدهون وينظف الشعر يبقى مفيش داعي تستعملي معاهم أي منتج تاني. لو شايفه أن شعرك محتاج منتج إضافي خلي بالك من الكمية اللي بتحطيها منه.

مصدر الصورة: Pinterest

مشاركة تعليق