نصائح للعناية بالأظافر الضعيفة

الأظافر القوية والصحية هي دليل على صحتنا واهتمامنا بنفسنا، لكن مش ديماً بنكون محظوظين بضوافر طبيعية قوية لأسباب  كتير منها: تعرض بشرة الإيد والضوافر لميه كتير، أو استعمال المنظفات الكيميائية، أو عدم الاعتناء بشكل كافي عشان ضوافرنا ما تضعفش وتكون عرضة للتكسر.

أبعدي عن أي حاجة ممكن تجفف الضوافر

كتير من البنات والسيدات إيدهم بتتعرض لمواد كيميائية موجودة في المنظفات المنزلية ولأن المهام المنزلية حاجة مستحيل تجنبها إلا اننا نقدر على الأقل لبس جاونتي (قفازات) بلاستيك يمنح تعرض الضوافر والإيد لها وللميه طول الوقت.

طول الضوافر وطرق بردها

الضوافر الطويلة بتكون عرضة أكبر للتكسر عن الضوافر القصيرة، لو انتِ بتعاني من ضوافر ضعيفة حاولي تخلي ضوافرك قصيرة على قد ما تقدري واستعملي مبرد الضوافر في إتجاه واحد عشان ما تضعفش وكوني لطيفة على جوانب الضوافر أثناء البرد.

حافظي على نظام غذائي صحي

أنت ما تأكله. مقولة شهيرة  تقال وده لأن أي حاجة بتدخل جسمنا هتأثر على صحتنا ووزننا على المدى البعيد والقصير. خلي وجباتك على مدار اليوم فيها خضروات مفيدة، غنية بالفيتامينات والمعادن عشان ينعكس ده على صحة وشكل ضوافرك. دخلي سمك السالمون، والطماطم، والسبانخ، وزيت الزيتون لوجبات طعامك لمد جسمك بالفيتامينات والتغذية.

اقرئي المكونات الموجودة في المنتجات اللي بتستعمليها

منتجات كتيرة ممكن تكوني بتستعمليها بتسبب جفاف للضوافر زي منتجات إزالة المناكير اللي بتحتوي على الأسيتون أو شامبو الشعر أو غسول الوجه المعالج للشعر  والبشرة الدهنية. وقللي من استعمال معقمات ومطهرات الإيد.

رطبي بشرتك إيدك وضوافرك

لأن مش ديماً هتقدري تمنعي حفاف بشرة إيدك وضوافرك استعملي مرطب للإيد يكون غني بالفيتامينات اللي تمد بشرتك بالترطيب وضوافرك بالفايدة اللي تحافظ على مرونتها.  استعملي مغذي اليدين والأظافر من ناتورفا، مرطب مشبع بفيتامين إي، زبدة الشيا، زبدة الكاكاو، زيت جوز الهند، زيت الجوجوبا، زيت اللوز الحلو، الألوفيرا، ماء الورد.

استعملي منتج فيه كيراتين

الكيراتين فعال في إطالة الضوافر، وتقويتها، ويخلي لونها أبيض وشكلها صحي. سيروم الكيراتين المعالج للضوافر مركب من الأوميجا 3 وقوامه اتقل من الزيت العادي استعملي سيروم الكيراتين المعالج للضوافر من ليدا وشوفي الفرق في شكل وصحة ضوافرك.

 

مشاركة تعليق