نصائح لمكياج متوهج في فصل الشتاء

البشرة المتوهجة واللامعة مع لمسة هايلايت بتديكي مظهر صحي وبتخلي مكياجك متألق. واللوك ده ديماً بيكون مثالي لموسم الأعياد والاحتفالات ومع قرب الكريسماس ورأس السنة لازم تعتني وتجهزي بشرتك وتعملي ميك اب يكون ندي وناعم. أعرفي في المقالة دي إزاي تحصلي على بشرة صحية وندية وميك اب ومتوهج.

شرب الماء.

طبعاً دي معروفة وأكيد سمعتيها كتير وجزء أساسي من أي بشرة صحيه. اشربي من لتر إلى 2 لتر ماء كل يوم عشان الميه ترطب جسمك وتدي له حاجته من التغذية واللي هينعكس على بشرتك من بره ويخليها نقية وصافية وخالية من الشوائب. (د غير إن الميه بتساعد على فقدان الوزن)

ماسك بفيتامين سي – غارنييه

عشان تخلي بشرتك متوهجة أكتر ويظهر ده بعد ما تحطي الميك اب بتاعك، اعملي ماسك لبشرتك عشان يديها ترطيب وإشراقة ويخلي مكياجك شكله أحلى وجذاب أكتر. استعملي ماسك غارنييه الغني بمكونات فيتامين سي وحليب اللي هيغيروا بشرتك من باهته لبشرة مشرقة ومتفتحة بعد 15 دقيقة بس من استعمالة.

كريم النهار ريفيتاليفت بإشراقة الجينسينج – لوريال باريس

الحفاظ على ترطيب البشرة أساسي سواء كان للحصول على ميك اب ندي أو عشان تحافظي على صحة وجمال بشرتك وحمايتها من عوامل الجفاف والتلوث اليومي.  قبل الميك اب ادهني مرطب ريفيتاليفت بإشراقة الجينسينج من لوريال بارس الفعال في التخلص من التجاعيد ومد البشرة بالإنتعاش واللمعان الصحي الطبيعي.

إسفنجة مزج الميك اب – بيوتي تولز

عارفين إنك بتحبي البيوتي بلندر وإسفنجة ريل تيكنيكس  وعشان كده سورس بيوتي وفرت لك إسنفجة مزج الميك اب، لكن المرة دي من علامة تجارية مصرية وبأشكال وإستخدامات مختلفة وجودة عالية. استعملي إسفنجات بيوتي تولز عشان تمزجي كريم الأساسي، والبلاشر، والهايلايتر لحد الكمال وتخلي مكياجك نتيجته طبيعية وتغطي أي عيوب غير مرغوب فيها..

هايلايتر سكلبت لايت (يونيفرسال شيد – بورجوا

أكيد مش هينفع نعدي المقالة دي من غير ما نتكلم عن هايلايتر سكولبت لايت من بورجوا. هايلايتر لونه بينك مائل للبيج يليق على جميع ألوان البشرة. امزجي كمية بسيطة جداً من سائل الهايلايتر مع كريم الأساسي أو البي بي كريم بتاعك وبعدين امزجي كمية بسيطة منه على أعلى الخدود بإستعمال إسنفجة .بيوتي تولز عشان تدي وشك إضائة ناعمة

تنت الخدود والشفايف بلون برغندي – نون

مستحضر أتنين في واحد عملي، تقدري تستخدميه على خدودك وشفايفك وتدي بشرتك لمسة وردية وشكل طبيعي وأنثوي. اللون البرغندي مناسب جداً لفصل الشتاء وأجواء الإحتفالات والكريسماس والقوام الكريمي للتنت هيحافظ على ترطيب البشرة والشفايف.

هايلايتر لو بيتيت ستروبر – بورجوا

طبعاً خطوة الهايلايتر مش هتقف عند كده وأكيد لازم تحطي لمسة هايلايتر بودرة أخيرة لبشرتك ومكياجك مع (لو بيتيت ستروبر من بورجوا). امشي بالفرشة بحركة تصاعدية  خفيفة على أعلى خدودك والصدغ (جانبي الحواجب) وعلى دمعة العين، وفي نص الشفايف العلوية، وعلى أرنبة الأنف وتأكدي أن يكون نتيجة الهايلايتر ناعمة وممزوج كويس مع بشرتك ومكياجك.

 

مصدر الصورة: pinterest

مشاركة تعليق