نظام غذائي لبشرة صافية

ايوه ممكن تستعملي كل منتج موجود في السوق على بشرتك، أو تحاولي تحافظي على لايف ستايل خالي من أي توتر وإجهاد في محاولة للحفاظ على بشرة متوهجة. لكن في الحقيقة، لما الموضوع بيتعلق بالبشرة زي ما بتقول المقولة الشهيرة“انت ما تأكله”، فعلاً معبرة. أنواع الأكل اللي بناكله له تأثير مباشر مش بس على شعورنا الجسدي لكن كمان على مظهر وصحة بشرتنا. اعرفي بعض الأطعمة اللي تقدري تدخليها في نظامك الغذائي للحصول على بشرة صافية.

الفلفل الأجمر
فيتامين سي هو منتج سحري سواء أكله أو استخدامه على البشرة. وفقاً للأبحاث، استهلاك فيتامين سي انتج عنه بشرة فيها تجاعيد أقل ورطبة أكتر. الفلفل الأحمر من أحسن الخضروات لو عايزة تدخلي فيتامين سي في أكلك، وفيه 3 أضعاف نسبة الفيتامين عن البرتقال. لو أنتِ مش من محبين الفلفل الأحمر حاولي تبدليه بالليمون أو الجريب فروت.

الماء
دي بديهية جداً. لكنها مجربة ومختبرة. زيادة نسبة شرب الماء هيحسن من فسيولوجيا بشرتك بشكل كبير، خصوصاً لو انتِ مش من اللي بيشربوا الميه. هتلاحظي نتائج فورية لو حاولتي تشربي 2 لتر ميه في اليوم.

التوت
العنب البري، والتوت الأزرق، وتوت الجوجي من الفاكهة المليانة بفوائد وتحتوي على مستويات عالية من مضادات الأكسدة. مضادات الأكسدة فيها مضادات الالتهابات اللي بتساعد الجسم على علاج وإصلاح نفسه ويحميه من الضرر في نفس الوقت.

السمك
السمك يحتوي على قائمة طويلة من الفوائد لجسمك وصحتك بشكل عام لكن أسماك الميه الباردة زي السالمون، المكاريل، والسردين فيه نسبة أحماض دهنية عالية، زي الأوميجا 3، اللي بتعمل على الأحتفاظ بحاجز الزيوت الطبيعية لبشرتك وبالتالي مكافحة الجفاف.

الشاي الأخضر
إدخال الشاي الأخضر للنظام الغذائي بتاعك هي من الطرق الممتازة لتحسين مظهر بشرتك. تعمل العناصر الغذائية الطبيعية على تحسين مرونة بشرتك وتقلل من الخشونة والقشور. ده غير أنه مهدئ طبيعي وكمان هيساعد في عملية الهضم.

الحليب النباتي
شرب حليب نباتي أو غير حيواني مش هيحسن بشرتك لكن التخلص من الحليب الحيواني قادر على ده. من خلال تقليل الألبان من نظامك الغذائي بشرتك هتكون معرضة أقل لظهور حب الشباب والبثور. في درسات أظهرت انه كل من اللبن منزوع الدسم وكامل الدسم قادرين على إنتاج حب شباب بسبب مصل اللبن الموجود فيه. على الرغم من كده أختيار بديل زي حليب اللوز ممكن يساعدك في الحفاظ على بشرة متوازنة.

مصدر الصورة :Pinterest

مشاركة تعليق