هبة سراج الدين والروتين التجميلي الخاص بها

هبة سراج الدين مؤسسة Fashion Funds Egy وهي شركة تنظم فعاليات أزياء وتجزئة مصرية. هي رائدة أعمال قيادية ونهجها التنظيمي للأزياء خلاها واحدة من الشخصيات المهمة في المجال. هبة تجمع ما بين حساسية ذوقها الفطري وميولها تجاه الجمال مع خبرة ومعرفة مكتسبة من تجاربها المختلفة. اتكلمنا مع هبة وشاركتنا نصيحة أو أتنين عن الجمال ونظام العناية بالبشرة اللي هي بتعمله واللي بخليها تحافظ على جمالها..

ايه هم 3 منتجات متقدريش تعيشي من غيرها؟

هم 4 منتجات بالنسبة لي:

  1.  السشوار الشعر بتاعي مستحيل أعيش من غيرة!
  2. لب بالم بحب شفايفي تكون ناعمة ومترطبة طول الوقت
  3. مزيل مكياج العين. مفيش أحساس أجمل من إنك تمسحي الماسكارا قبل ما تنامي.
  4. التونر. ديماً بيخلي بشرة وشي نضيف.

ايه هي خطوات روتين العناية بالبشرة المسائي بتاعك؟

أول حاجة بغسل وشي بغسول جل. وبعدين بمسح بشرتي بتونر وبعمل سكراب. وبعدين بحط ماسك الكبريت الأصفر وبخلص الروتين بإستعمال قطن بحمض الجليكوليك اللي بكون كمقشر ويصنفر الوش ويخليه ناعم جداً، ورطب ونضر.

قولنا 4 نصائح تجميلية ؟

  1. اشربي ميه كتير. هتفيد جسمك.
  2. استعملي شامبو وبلسم عضوي خالي من السلفات
  3. ديماً سيبي مسافة ما بين شعرك والسشوار
  4. اهتمي جداً بإيدك زي ما بتهتمي ببشرة وشك

 

أكتر مستحضرين تجميلي محلي بتحبيهم؟

أكتر 2 بحبهم من سورس بيوتي هم سكراب القهوة وجوز الهند من سول اند مور و سيروم إنبا الحواجب جرو ماي براو من جوفيالتي

 

مشاركة تعليق