١٦ منتج للعناية للإستخدام أثناء السفر و تسيبي منتجاتك الغالية في البيت

في أي سفرية، أكيد كلنا عايزين نوفر مكان في شنط السفر من غير ما نضطر نسيب منتجات روتين العناية الذاتية. متقلقيش، هتلاقي عندنا المنتجات الأساسية بأحجام صغيرة مناسبة للسفر، و دا عشان ماتحتاريش تسيبي ايه و تاخدي ايه. وعلي فكرة العبوات الصغيرة مش معناها مقاييس جمال أقل. كل العبوات ممكن يتحطوا في شنط اليد عشان تقدري يبقي معاكي أساسيات العناية الذاتية أثناء رحلات الطيران كمان، من أول العناية بالبشرة إلي العناية بالشعر و الجسم، و دا هيحافظ علي مظهرك الرائع طول فترة السفر.

صابون التنظيف من “أريچ”

بتبقي خايفة دايماً انك تحطي غسول الوجه السائل في الشنطة، و تفكري هل العبوة هتفتح أو هتسرب جوا الشنطة و تبهدل الهدوم أو إن العبوة مش هتكفي فترة السفر . لكن مع “أريچ”، صابون التنظيف اللي بيحتوي علي العناصر المعالجة، مش هتقلقي لأنه مش هيتفتح في الشنطة و حجمه مناسب لفترة سفرك.

ماء الورد، العلاج العطري من أريچ

ماء الورد مش بس هو عطر منعش، هو كمان يعتبر تونر منظف خاصةً في فترة الصيف، إن كان في الطيارة أو أثناء وقت التسوق، عبوة ماء الورد الصغيرة من أريچ هتبقي مفيدة.

تونر منظف للبشرة من بودي بلوم

متنسيش أبداً روتين العناية بالبشرة اللي متعودة عليه، و استخدمي العبوة الصغيرة من تونر شجرة الشاي. من أولويات استخدامك للتونر انه يحميكي من التهابات البشرة المفاجأة اللي ممكن تفسد عليكي الرحلة.

كريم الوجه من ساسكيا

لكل اللي بيحبوا استخدام الكريم المرطب، اشعري بالانتعاش في رحلتك و بعد التنظيف و استخدام التونر، و كمان مناسب جدا انك تستخدميه أثناء رحلة الطيران و بكده يكون كريم الفرنش روز مع الزيوت الأساسية من ساسكيا، هو رفيقك اللي لازم يبقي معاكي في رحلتك.

سيروم الوجه اليومي من Urban Ducks

استخدمي السيروم المركز يومياً للحصول علي إشراقة صحية خلال رحلتك، و تغذية بشرتك بالڤيتامينات و الأعشاب و مضادات الأكسدة لعلاج الهالات السوداء و عشان تحافظي علي بشرة صافية لآخر الرحلة.

نو ميك اب جلو من أوزڨالدو

الجمال في البساطة، مين عندها الوقت في الاجازة انها تقضي ساعة قدام المراية بتحط طبقات الميك اب؟! الجميل في “نو ميك اب جلو” انه بحجم الابهام مناسب انك تحطيه في المحفظة و تستخدميه بسهولة في أي وقت. البلسم بيلون الشفاه و الخدين بلون وردي طبيعي، بينزلق من غير مجهود و بيخلي بشرتك كأنها صن كيسد وقت وصولك لوجهتك.

زيت تلميع البشرة من أوربن داكس

هو من الأساسيات اللي لازم تبقي معاكي في شنطة السفر، العبوة ١٠٠ مل بالظبط، مناسبة للأحجام المسموحة علي الطيارة. يعطيكي لمعة صحية لبشرتك، و استخدامه علي الأقدام مش بس هيخليكي تمشي بأناقة كأنك علي منصة، كمان المكون الأساسي هو زيت البخور اللي بيساعد علي تقليل حدوث السيلوليت. و طبعا لأوقات الشاطئ، متترديش أنك يبقي معاكي العبوة الأساسية دي !

عطر المسك الأبيض من بابلز

جددي حواسك أثناء استراحتك بالرائحة العطرة اللي فيه منها الحجم الصغير المناسب لشنطة اليد و المحفظة عشان يبقي معاكي طوال فترة عطلتك. يعتبر المفضل لسورس بسبب التغليف الجذاب و رائحة المسك اللي بتدوم ليل و نهار.

مزيل العرق الطبيعي من بابلز

مش لازم تبطلي تستخدمي مزيل العرق عشان تحافظي علي صحتك، تخلصي من الألومنيوم والبارابين في مزيل العرق و استخدمي عبوة البلسم الصغيرة الخالية من كل المواد الضارة. سورس بيوتي بتختارلك رائحة “أوشن بريز” عشان تحسي أنك بدأتي الإجازة بتاعتك من قبل ما توصلي

شامبو اللاڨندر الجاف من دونا ناتشيورال للشعر الغامق,الفاتح

متخليش عبوة الشامبو الصغيرة دي تخدعك، فهو فعال جدا وهيقلل الزيوت الزيادة اللي في فروة الرأس في غضون دقائق بس و مش هيسيب غير رائحة الأزهار. مصنوع من مكونات طبيعية مثل مسحوق الطمي ومسحوق الكاكاو عشان يحافظ علي اشراقتك ليوم كمان.

نوريش، العلاج العطري من أريچ

رحلات الطيران ممكن تسبب جفاف للبشرة و الشعر، لكن مع علاج مرطب للشعر في متناول اليد ، من الأفضل أنك تستخدميه لترطيب شعرك أول ما توصلي عشان تتجنبي بدء عطلتك بشعر جاف و متعرج. أنعشي و غذي شعرك بتدليكه وصولا للجذور وبعد غسيل سريع لمدة 15-20 دقيقة ، يكون عندك وصفة تزيدي بيها الثقة في شعرك.

زيت الكيوتكل، العلاج العطري من أريچ

عبوة الزيت المغذي الصغيرة دي مهمة جدا لبشرة الأظافر “مش عايزينك تنسي دول”، و هتخلي المانيكيور سلس جداً و أنيق. لو رايحة الساحل لمدة طويلة أو مسافرة للخارج، خلّي دايماً زيت الكيوتيكل ضمن مجموعة المانيكيور بتاعتك.

جرو ماي براو سيروم، من چوڤياليتي

لكل اللي عايزين يكملوا روتين النمو السحري للحواجب حتي في سفرهم، چوڤياليتي عملت ميني سيروم عشان تستمري في تغذية الحواجب و إظهار نضارتها حتي في رحلتك.

زيت الرموش، العلاج العطري من أريچ

متنسيش كمان الاهتمام بالرموش، و متكتفيش بوضع الرموش الصناعية لأن دا ممكن يضعف رموشك. اعملي علي تغذيتها و ساعديها انها تنمو و تزداد كثافة باستخدام عبوة الزيت الصغيرة المناسبة للسفر بعد ما اضطريتي تسيبي عبوة زيت الخروع الكبيرة في البيت. أريچ عملتلك العبوة الميني عشان متوقفيش روتين النمو بتاعك بسبب السفر.

كريم الجسم و اليدين من جورميت

اختاري من بين ستة روائح جذابة علشان تاخديه معاكي في سفرك. عبوة الكريم الصغيرة دي بتدوم لمدة طويلة علي البشرة و بتعمل علي نعومة و ترطيب اليدين و الجسم بدون أي دهنية أو لزوجة.

كونتور العين مع الكونسيلر من كولاجرا

كونتور العين المتطور من كولاجرا، المكون من سيروم الكافيين المعروف بمفعول القهوة المضاد للالتهابات و الأكسدة، بيعمل علي علاج سواد تحت العين بكده تقدري تسهري براحتك من غير ما تقلقي من نتايج السهر تاني يوم الصبح.

 

Image Credit: Negin Mirsalehi

مشاركة تعليق