بنسمع نصايح وتجارب مختلفة  كل يوم من ناس كثير عن التجميل والعناية بالبشرة, وبنجربها و بنتبعها من نفسنا من غير ما نعرف حتى مصدرها. عشان كده جمعنالك ٤ خرافات شائعة ومنتشرة بدون مصدر ولا أساس. كملى قرائة المقال لمعرفتهم

 ١. لما أكبر بشرتي هتكون زي ماما بالظبط.

للأسف مش حاجة أكيدة انك تحصلى على نفس بشرة مامتك لما توصلي لسنها. أكيد الجينات ليها عامل أساسى و مهم لكن كمان متنسيش ان عاداتك اليومية و أهتمامك بصحتك هيأثر بشكل أساسي على صحتها أو أرهقها. فنصيحة مننا متعتمديش بشكل أساسي على المعلومة دى لأنها غير دقيقة.

 ٢. أستخدى كل منتجاتك من ماركة واحدة بس!

من كثر الماركات والمنتجات الجديدة فى السوق المحلى أو حتى العالمى, وانتشار الترويج لكل منهم على حدا انك لازم تستخدمى المجموعة الكاملة عشان تستفيدى من المنتج أي ان كان غرض استخدامه, لكن دى مش حقيقة. مش هيجرى لك حاجة أو هتأثرى على نتيجة توقعاتك لو استخدمتى كريم نهارى من ماركة  وكريم ليلى من ماركة تانية! انا معاكى انه يفضل , لكن مش الفرق اللى انتي متوقعاه! متخليش حد يضحك عليكي, المهم انك بتعتني ببشرتك!

 ٣.مش لازم نستخدم واقى شمس فى الشتاء.

مفيش علاقة تماما بوضع واقى الشمس سواء بفصل الصيف ولا حتى الشتاء. أشعة الشمس الفوق بنفسيجية موجودة فى كل فصل من فصول السنة, وبيكون تأثيرها على البشرة والجلد  ضار فى وجود واقى الشمس. متنسيش تستخدميه قبل متخرجى كل يوم الصبح, ويفضل انك تجديديه كل ساعتين.

٤. البشرة الجافة تصيبها التجاعيد أكثر من الدهنية

دى بقي خرافة غربية شوية. يمكن فى بداية قرائتها هتحسي انها مقنعة, لكن هى بعيدة عن الحقيقة كل البعدّ! فى الحقيقة ان الشمس واهمال روتين البشرة هو اللى بيتسبب فى جفاف البشرة واجهدها و بالتالى ظهور علامات تقدم  العمر والتجاعيد.

مشاركة تعليق