٤ عادات جمالية قديمة هتدهشك نتائجها!

قد أيه الجيل الجديد محظوظ! عندهم أختيارات كتيرة من بين منتجات العناية بالجمال وتفاصيلها. منتجات لعلامات تقدم العمر ومنتجات لتفتيح البشرة ومنتجات خاصة بمنطقة حول العيون والخطوط اللى بتظهر مع تقدم السن و غيرها…. و ده بيرجع إن كل يوم فى تطور فى مركبات المنتجات وإضافة تكنولوجيا حديثة تساعد على الحصول على نتائج فعالة وسريعة لأي مشكلة تخص جمالك. بس ده كل مش هيمنعنا دايماً نسمع و نعرف الخلطات والحيل السحرية اللى جدودنا حافظو عليها زمان للحصول على أجمل إطلالة بدون مجهود وبطرق بسيطة جداً وذات فوائد عظيمة. كملى قراءة المقال واعرفى عادات جمالية قديمة مفعولها زى السحر على البشرة.

ودعى الخطوط الرفيعة و التجاعيد!

 كنت دايماً  بسأل نفسي هما زي جدودنا كانوا  بيحافظوا على جمالهم  قبل ظهور عمليات التجميل والحقن بالبوتكس و الفيلر؟ الإجابة في منتهى البساطة، كانوا بيستخدموا الأشرطة اللاصقة أو البلاستر  ويلصقوا على المنطقة اللي بتعاني من الخطوط الرفيعة طوال الليل , وكانت  بتساعدهم على شد الجلد وتنشيط عضلات الوجه دون الحاجة  لللجوء للعمليات الجراحية.

لأظافر لامعة ونظيفة …

معظمنا بيعاني من نصبف أظافرنا و وجود بقع عليها, وأسبابها بتكون إما نقص في الفيتامينات أو عدم حماية الأظافر بطبقة عازلة قبل وضع لون غامق او ثقيل. الليمون هو الحل! جدودنا استخدموا الليمون للتخلص من بقع الأظافر و توحيد لونهم. قطعى ليمونة إلى نصفين واغرزي أظافرك فيها، هتساعدك الأحماض الموجودة فى الليمون على تفتيح لون أظافرك. ولكن خلى بالك من وجود أي جروح عشان متتعرضيش للألم والحرقان.

ليدين ناعمين زى الحرير …

بعد يوم طويل من الطبخ وغسل الصحون مش هتلاقى أفضل ليديكى من زيت الزيتون! بمجرد متخلصى اخر طبق فى الحوض دلكي يديكي بنقطتين من زيت الزيتون هيترك يديكي ناعمة زى الحرير.

لتفتيح منطقة حول الفم …

كثرة التعرض للشمس بيعرض بشرتنا للإصابة بالبقع الداكنة خاصة في الأماكن اللي بيكون فيها ثنيات زى منطقة حول الفم. جدودنا استخداموا الكركم كماسك لتفتيح الأماكن دى. ضيفي ربع ملعقة صغيرة مع ملعقتين كبيرتين من الدقيق ونصف ملعقة صغيرة من زيت اللوز ونصف ملعقة صغيرة من الحليب لتكوين الماسك وضيفي في النهاية عصرة ليمون أو عصير خيار لو بشرتك حساسة. اخلطي المكونات على بعضها وضعيها على المنطقة الداكنة لمدة 10 دقائق واستمتعي بالنتيجة. ولكن خلى بالك من سكب الكركم على ملابسك لأن صعب التخلص من بقعه.

مصدر الصورة: Pinterest

مشاركة تعليق