٤ معلومات غريبة عن البشرة

 الجلد هو أكبر عضو في جسمنا. و تغيرات البشرة بتكون عادتا مؤشر لحاجات كثيرة ومهمة.  كمان تعتبر البشرة هى خط دفاعنا الأول و الأكثر تعرض للعوامل الخارجية كل يوم و بالتالى بيحصل تهيج فى البشرة و احيانا بيتسبب فى الحساسية بسهولة . و عشان كده مهم إننا  نحفاظ و ننتبه لأى تغيرات بتظهر عليها من وقت للتانى. عشان كده حبينا نعرفكم حقايق غربية ومهمة عن بشرتك, يمكن هتكون أول مرة تعرفيها. إليكي ٤ معلومات غريبة عن بشرتك.

 

١. جلدك بيغير نفسه كل ٢٨ يوم زى الثعابين

البشرة هي الطبقة الخارجية الرقيقة من جلدك ، وبتحتوي على خلايا عديدة من الجلد الميت. و كل ٢٨ يوم الجلد بيقلب نفسه! بمعنى تاني أن  نظرًا لأن خلايا الجلد بتتكون من الداخل و في قاع البشرة ، فبتستغرق حوالي شهر للوصول للسطح و وقتها بيتم استبدال طبقات الخلايا الميتة بالجديدة  بشكل طبيعي من غير متحتاجى تقشرى او تتخلصى بنفسك من اى خلايا ميتة

٢. بشرتك بتستجيب بشكل سلبي للتوتر ، زى عقلك بالظبط

 بشرتك بتشعر بمشاعرك و بتحس بيكى! للأسف الأجهاد الزايد عن اللزوم بيتسبب فى تكسر جزيئات الكولاجين في الجلد اللى بيمنح البشرة مرونة  والنضارة.  عشان كدة بينصح أطباء الجلدية و التغذية بالعناية ببشرتك بروتين بسيط يقلل من تلف البشرة, مع المداومة على التمارين الرياضية لأنها بتقلل من التوتر وبتساعد على تحفيز الدورة الدموية وده بينعكس على بشرتك و مظهرها.

٣. ظهور الجلد السميك بيكون احيانا لغرض حمايتك

 فمثلا خشونة القدم والكعبين و ظهور جلد سميك على الكوعين ايضا  بيحمينا وقت الاستناد على سطح قاسي اللى ممكن يتسبب فى التهاب او جرح البشرة. كمان بالنسبة لجلد الكعبين اللى كلنا بنحافظ و بنداوم على التخلص منه فى صالونات التجميل. بيكون الجسم وقتها بيحاول حمايتنا أثناء المشي عن طريق تكوين طبقة سميكة للحمايا. و عشان كده استخدام مرطب بيحتوي على مقشر كيميائي ، زى حمض اللاكتيك ، بيساعد على تفتيت الجلد سميك , بس وقتها بننصح باستخدام مرطب قوى للمنطقة لتقليل الألتهاب والجفاف مرة تانية.

٤. تغيرات بشرتك  بتعكس مشاكل صحية أساسية  و احيانا خطيرة

ظهور بقع على البشرة بيكون امر مزعج ، ولكن بتكون مؤشر لشئ اخر. زى مثلا الالتهابات في الجلد ، سواء كانت على شكل طفح جلدي أو حكة أو احمرار أو تورم. على سبيل المثال الحساسية والربو والمناعة ، بتكون واحدة من المؤشرات الأصابة بيهم هى  الأكزيما والشرى والتهاب الجلد المفاجأ. تشير كمان حب الشباب عند البالغين غالبا عن عدم توازن او تقلب مستويات الهرمونات ،كمان ممكن يشير إلى الحمل أو انقطاع الطمث وتكيس المبايض. كمان  يمكن حدوث اضطرابات الجلد مع بعض الناس بسبب  تقدم  العمر ، بما في ذلك أمراض القلب والسكري وأمراض الكبد والسمنة ونقص التغذية وللأسف احيانا السرطان ، على سبيل المثال لا الحصر. عشان كدة بمجرد ملاحظتك لظهور  شامة أو بقعة أو نمو جديد على جلدك ، ارجعى فورا لأستشارة الطبيب.

مشاركة تعليق