٥ خطوات بسيطة لعناية بشرتك

أحياناً بنشيل هم مرحلة تنظيف البشرة وتطبيق روتينا اليومى. ومن كتر المنتجات اللى بنشتريها مش بنعرف نبتدى منين ولا منين! عشان كده قررنا نسهلها عليكى. كملى قراءة المقال ده وبنوعدك هتتأكدى قد أيه الموضوع بسيط ومش مستاهل تحملى همه! إليكي ٥ خطوات بسيطة لعناية بشرتك مع بعض مرشحتنا من المنتجات.

أولاً: اغسلى وجهك ونظفيه جيداً!

مفيش تنظيف وعناية ببشرة من غير غسل الوجه بعمق! أول حاجة محتاجة تعمليها هى التأكد من غسل وجهك وتنظيفه من أى تراكمات وأوساخ. خطوة أساسية, تقدرى تعتبريها الأساس لكل الخطوات الجاية. بننصحك  تتأكدى من أن بشرتك رطبة/مبللة قبل أستخدام الغسول لفاعلية أفضل. بنرشحلك غسول الوجه بفيتامين سي من كولاجرا هينظف بشرتك وينقيها.

ثانياً: دلوقتى خطوة أستخدامك للتونر… مهمة متفوتيهاش

على قد ما الغسول مهم على قد ما أن استخدامك لتونر البشرة هيجعلك تتأكدى 100% إن بشرتك نقية نظيفة وجاهزة للخطوة التالية. بنرشحلك تونر كليو المنقي. تونر منقي معزز بمكونات مهدئة، ومنضفة، هتحمي بشرتك وتخليها منتعشة.

ثالثاً: يلا ده وقت تغذية بشرتك…معاد استخدم سيروم مغذى/معالج

كل الناس دلوقتى بقت تهتم أكثر باستخدام أمصال/سيروم البشرة. حتى كمان الشركات المصنعة لمنتجات التجميل مؤخرا بتسعى لإنتاج أفضل تركيبات بفاعلية  ملحوظة! وعشان كده مفيش أكثر من تعدد الأمصال اللى هتناسب مشكلتك أو أهتمامك. بس بردو بنقترحلك نوعين مينفعش متجربيهمش!

 الأول وهو الأكثر إنتشاراً على السوشيال ميديا ( حمض الهيالورونيك) كثير من الناس بيفضله أستخدامه عن أى أنواع أخرى لأنه بجد مفعوله معجزة للبشرة فى حالة مداومة أستخدامه. بيغذى البشرة وبيملأ الخطوط الرفيعة ويشد البشرة ويرطبها بشكل مش ممكن! المهم يستخدم على بشرة رطبة/مبللة, جربي ماء ورد أريج الغنية بحمض الهيالورونيك لترطيب البشرة قبل  أستخدام السيروم. جربى سيروم حمض الهيالورونيك من كولاجرا   

الثانى وهو سيروم ڤيتامين سى اللى مينفعش بجد نستغنى عنه! مفعول مضاعف لأنه هيرطب ويغذى البشرة. مهم جداً تستخدمه لو عندك تجاعيد طفيفة وخطوط رفيعة. هيساعدك فى توحيد لون بشرتك ويفتحها ويجعل بشرتك تبدو أكثر شباباً. جربي سيروم فيتامين سي من إنفينيتي فارما!

رابعاً: أتأكدى من ترطيب بشرتك بعد تغذيتها

عشان نبقى صادقين معاكى كل اللى فات ده مش هيكون ليه  فايدة, لو معملتيش الخطوة دى! ترطيب البشرة هو الأمثل لبشرة شابة وخالية من التجاعيد سواء على المدى القريب أو البعيد. الترطيب هو الخطوة الأخيرة فى روتينك اللى هيحمى ويحافظ على حاجز بشرتك ويساعد على الإستفادة من المنتجات المستخدمة  فى الخطوات السابقة. بنرشحلك تجربى لوشن نويت للحماية من الشمس – للبشرة الدهنية والمختلطة  فعال فى الترطيب , ومش بس كده كمان بيحتوى على عامل حماية من الشمس..جربىه دلوقتى!

خامساً: لأفضل النتايج ممكن تستخدمى…
ماسكات الوجه

أقنعة الوجه والماسكات هى مرحلة الدلع! تخيلى كده فى الويك إند و إنتي بتتفرجى على مسلسلك المفضل, معاكى سناكس أحلامك, والماسك على وجهك… متخيلة! هو مش بس دلع,  بجد مغذى لبشرتك, وبيجعلها موردة طول اليوم. إحنا فى  سورس بيوتى وفرنلك أنواع مختلفة من ماركات مختلفة. مفضلنا من المتوفر حالياً هو قناع هيدرا بومب بخلاصة الرمان من غارنيه.

وأخيراً…أوعى تنسي شفايفك

شفايفك تستحق تهتمى بيها, ويبقى ليها خطوة أساسية فى روتينك كمان! خطوة مش هتاخد وقت معاكى , لكنها هتفرق فى شكلك! جربي سكراب الشفايف الطبيعي من جو ناتشورال هيخلصك من الجلد الميت على شفايفك ويجهزها لمرحلة الترطيب. بعدها على طول استخدمى مرطب قوى لشفايفك زي مرطب شفايف بالبندق من ذا باث لاند.

مصدر الصورة: Pinterest

مشاركة تعليق