٥ عادات تجنبيهم لو بشرتك مرهقة

 بشرتنا بتتعرض لظروف بتخليها تظهر بشكل باهت وجاف, و احيانا بيظهر حبوب و مسام واسعةوبقع غامقة كمان. مفيش مشكلة بتظهر على البشرة الا و بيكون ليها سبب, بس احنا بنتغاضى عن اسباب المشكلة لحد ما بتبدأ المشكلة تظهر. عشان كده حاولنا نفكر فى حلول بسيطة تقلل من ضرر البشرة, وبنقدملك  ٥  حاجات متعمليهمش و لازم  تتجنبيهم بمجرد متلاحظى ظهور مشكلة فى  بشرتك.

 

متلمسيش وجهك تماما

القاعدة الأولى هي تجنب لمس الوجه! من الضروري أنك تبقي يديكي بعيد عن وجهك على قد متقدرى (إلا إذا كنتي بتغسليه أوبتطبقى روتينك الخاص). لان أصابعنا  على مدار اليوم بتلمس باستمرار أشياء زى مقابض الأبواب وأجهزة الكمبيوتر و الهواتف … و حاجات تانية كتير. وده هيؤدى لزيادة الشوائب على الجلد ويتسبب في المزيد من مشاكل البشرة.

متستخدميش ( اكياس المخدات / الملاءات / الفوط / المحارم ) مستخدمة

 غسل الملاءات وأكياس الوسادات بشكل متكرر لمنع وتجنب انتشار العدوى. حاولى تستبدلي و تغيري أكياس الوسائد والمناشف مرتين في الأسبوع لضمان نظافة دائمة.

قللى استخدامك للسكر

بتتسبب السكريات المصنعة فى ارتفاع مفاجئ في الأنسولين ، وبيغير استجابة الهرمونات وبالتالي بيتسبب في تكسير حواجز بشرتنا وتلفها. لما بيتعلق الأمر بالهرمونات ، لازم نتبع  نظام غذائي صحي ومتوازن  للحفاظ على كل حاجة تحت السيطرة ومساعدة الجسم على العمل بشكل صحي. استخدمى السكريات الطبيعية كبديل (يتم تناولها باعتدال). ابتعدي عن الشوكولاتة عشان ظهور الحبوب يهدأ .

قللى من مدة  التعرض للشمس واستخدمى واقى قوى

التعرض للشمس لمدة طويلة مش أحسن حاجة لان الأشعة فوق البنفسجية  بتتسبب فى  الاحمرار والتهاب البثور ، وبالتالى البشرة حالتها بتسوء. من الأفضل وضع واقي خفيف من الشمس أو ارتداء قبعة لو قررتى تتواجدي في الهواء الطلق أثناء النهار.

استخدمى مرطب قوامه خفيف على البشرة

مش لازم تستخدمى مرطب يكون ثقيل على البشرة عشان ميسدش المسام ويتسبب فى ظهور بثور وافراز دهون زائدة.

 مصدر الصورة: Pinterest

مشاركة تعليق