بنسعى دايما للحصول على لون بشرة موحد لإضافة المزيد من الجمال والإشراقة الجذابة. مشكلة اسمرار الكوعين والركبتين مزعجة للأسف! بس متقلقيش لأنك على وشك اكتشاف ٥ خلطات طبيعية هتساعدك على تفتيحهم. كملى قراءة المقال ده وهنقلك على وصفات رائعة هتودعي بيها المشكلة للأبد وتسترجعي  ثقتك بنفسك وهترتدي الملابس اللي بتحبيها بدون إحراج.

اللبن الزبادي

بيحتوي اللبن الزبادي على حمض اللاكتيك اللي بيساعد فى تفتيح لون البشرة وترطيبها. اخلطي ملعقة صغيرة من اللبن الزبادي مع الخل للحصول على قوام متماسك  وبعدين ضعي الخليط على الكوعين والركبتين حتى يجف بعدين قومي بإزالته بالماء الدافيء. ضعي بعد تجفيف المنطقة  مرطب قوى زى كريم نيفيا. كرري الوصفة يومياً لأسابيع لملاحظة النتائج الفعالة.

السكر

الكوعين والركبتين هما من مناطق الجسم اللي بيتراكم فوقها خلايا الجلد الميتة أكثر من غيرها.عشان كده استخدام السكر كمقشر طبيعي  هيساعد بشكل كبير فى إزالة الخلايا وتنعيم وتفتيح الجلد. اخلطي كمية متساوية من السكر( جربي ملح بوبانا ) وزيت الزيتون ( جربى زيت زيتون أريج ) ، ضعى الخليط العجين على الكوعين والركبتين ودلكي بحركات دائرية لمدة خمس دقائق. بعدين اشطفيه جسمك بالماء الدافيء ولو هتستخدمى صابون احرصي  أنه يكون خفيف و لا يحتوي على المواد الكيميائية. كرري الوصفة مرة يوميا إن أمكن أو على الأقل مرة واحدة أسبوعياً.

زيت جوز الهند البكر 

بسبب احتوائه على فيتامين هـ , زيت  جوز الهند قوي جدا فى تفتيح المناطق الداكنة ويمنع جفافها وبيحافظ على ترطيبها وإصلاحها من التلف. استخدميه كل يوم بعد الاستحمام ولعدة مرات على مدار  اليوم للمحافظة على ترطيب الكوعين والركبتين. كمان ممكن تضيفي الليمون وتخلطيه بزيت جوز الهند واتركيه لمدة تتراوح بين 15 و20 دقيقة لمرة واحدة يوميا بدون شطف.

الليمون

الليمون هو من أكثر المواد الطبيعية الغنية بفيتامين سي اللي بيعمل على تفتيح وتقشير البشرة. كمان يساعد على إزالة خلايا الجلد الميتة وبيصلح الجلد التالف وبيعطيه مظهر صحي. ضعي عصير الليمون على المناطق الغامقة واتركيه لمدة 20 دقيقة بعدين اغسليه بالماء الدافيء وضعي لوشن مرطب جربى لوشن المورينجا و الليمون من حتحور. ممكن كمان تستبدليه بالخيار أو البرتقال فكلاهما يحتويان على خصائص تفتيح البشرة.

البطاطس

بتحتوي البطاطس على خصائص مبيضة للجلد، هتساعدك عند الاستخدام المنتظم في تفتيح لون الأماكن الداكنة خاصة الكوعين والركبتين. قومي بخلط بطاطس مسلوقة مع اللبن الزبادي لعمل عجين بعدين  ضعيه على الكوعين والركبتين  لمدة تتراوح بين 20 إلى 30 دقيقة و بعدين اغسليهم بالماء. داومى عليها عشان تلاحظى النتايج.

مشكلة اسمرار الكوعين والركبتين شائعة بين كثير من السيدات و ده بسبب أن الجلد المحيط بالمنطقتين بيكون أكثر سماكة كمان مش بيحتوي على غدد زيتية فبالتالى بتكون أكثر عرضة للجفاف السريع عشان كده لازم نعتنى بهما جيداً لتجنب حدوث المشكلة و علاجها، كمان بننصحك متتعرضيش لأشعة الشمس لفترات طويلة. نتمنى نكون فدناكم

مشاركة تعليق