٩ أسرار لبشرة صحية زي المشاهير

بحثنا الدائم والمداومة علي الوصايا والمنتجات للعناية بالبشرة والشعر وتجربة كل ما هو جديد، بيدفع البشرة للإجهاد وظهور التجاعيد والبثور والعلامات اللي مع الوقت بيصعب القضاء عليها أو إخفائها. فالجميع بدون استثناء بيعانون من مشاكل البشرة، بسبب تعرضهم للإجهاد اليومي، ولأشعة الشمس بالإضافة للعوامل الوراثية اللى بتاثر سلبًا على البشرة. كمان المشاهير عادتا بيحاولو قدر الإمكان الحفاظ على بشرتهم من علامات تقدم العمر أو حتى البقع الداكنة وحب الشباب اللي بتضايقنا كلنا. عشان كده جمعنالكم ٩ اسرار و طرق  جميلة وعملية وصحية، للعناية والحصول على بشرة صحية كالمشاهير
١. داومى على شرب من ٢ الى ٣ لتر من الماء يوميا لو عايزة تحافظى على شعرك و أظافرك و بشرتك
٢. متنسيش تحصلى على قسط كافى من النوم لا يقل عن ٨ الى ١٠ ساعات يوميا
 ٣. استخدمي كمادات الماء البارد ( لغلق المسام) قبل وضع المكياج؛ لتجنب امتصاص البشرة للمستحضرات
٤. متنزليش من البيت من غير واقى شمس بعامل حماية ٥٠+ واتأكدى انه خالى من المواد الكيميائية الضارة
٥. البشرة والشعر الصحى أساسها التغذية السليمة
٦. استخدمى ماسك / قناع من فاكهة الأفوكادو هيفرق في ترطيب ولمعان الشعر! ضعيه على شعرك لمدة 30 دقيقة وارتداى غطاء الشعر بعدين اغسليه بمياه باردة
٧. قشري بشرتك باستخدام الفرشة الجافة من قدميك إلى جميع أنحاء جسمك بضربات خفيفة وثابتة.لتنشيط الدورة الدموية و التقليل من مظهر السيلوليت
٨. حافظى على روتين عناية بالبشرة بسيط يعتمد على التنظيف والتقشير والترطيب
٩. قللى من استخدامك للمكياج واتركى بشرتك تتنفس

مشاركة تعليق