بتخافي من مكون حمض الهيالورنيك بسبب اسمه؟ حمض الهيالورونيك دلوقتي بقى مكون أساسي من المكونات المستخدمة في مجال صناعة مستحضرات التجميل والمنتجات بقت جذابة أكتر للمستهلك لو من مكوناتها حمض الهيالورونيك. وده بفضل فوائدة المتعددة على البشرة. ايه هو حمض الهيالورونيك؟ وإزاي بتستفاد به البشرة؟ اعرفي في المقالة دي 5 فوائد لحمض الهيالورونيك واستخداماته.

حمض الهيالورونيك هي مادة بيفرزها الجلد بشكل طبيعي. ايوه! “السائل الذهبي” بتفرزة البشرة وموجود بشكل طبيعي في الجسم وبيتركز وجودة في الجلد، والنسيح الضام والعينين. ومعروف بقدرته على الإحتفاظ بأكتر من 1000 ضعف من وزنه رطوبة. وهو عبارة عن حبس الماء اللي بيمد البشرة بالترطيب ويخلي شكلها منتعش وندي.

  • يرطب

لو عايزة ترطبي بشرتك يبقى لازم تستخدمي حمض الهيالورونيك. زي ما ذكرنا قبل كده، قدرته على الحفاظ على رطوبة البشرة خلت منه مكون سخري. لأنه بيقدر بيتغلغل ويمتص بسهولة داخل البشرة عند استخدامه بشكل موضعي هيرطب بشرتك بشكل كامل.

  • يحتوي على خصائص مقاومة لشيخوخة البشرة

زي الكولاجين الإيلاستين، الكمية الطبيعية اللي بيفرزها جسمنا من حمض الهيالورونيك في بشرتنا بتقل مع عامل السن واللي بيؤدي لجفاف بشرتنا أسرع. عشان كده استخدام منتجات فيها حمض الهيالورونيك المعروف بإمتصاصه للرطوبة من البيئة اللي حولية حتى بعد ساعات من استعماله، هيحافظ على نسبة المياه في البشرة ويكون بديل لفلة نسبة الترطيب فيها مع التقدم في السن. بالإضافة لمحاربة عوامل تقدم سن البشرة زي التجاعيد، ويزيد نسبة المرونة في البشرة ويشدها. اعتبريه كداعم لبشرتك، ويمليها، ويقلل من الخطوط خصوصاُ اللي حوالين العين.

  • مناسب لجميع أنواع البشرة

رغم أنه فيه كلمه “حمض” إلا أن المكون المرطب ده اَمن على جميع أنواع البشرة، ومفيد جداً لأصحاب البشرة الجافة. مكون غير مهيج للجلد، ومش بيسبب أي حب شباب، أو وردية أو حساسية جلدية. كون أن المكون ده بيفرزة الجسم أصلاُ فا مستحيل استخدامه يكون ضار بالبشرة. في حالة ظهور أي آثار ضارة، فمن المحتمل أن يكون رد فعل لمكون تاني نشط أو غير نشط.

  • يجدد خلايا البشرة

غير أنه بيوفر ترطيب، حمض الهيالورونيك يحفز تجدد خلايا الجلد ويعمل طبقة حماية تساعد البشرة في محاربة سموم ناتجة عن التلوث البيئي من التغلغل داخل المسام. واللي يؤدي لخلاصة صحيه أكتر، ويمكن بشرتك من أنها تبدوا مرنة وتحافظ البشرة على نضرة تدوم طويلاً.

  • يعالج التصبغات

عند إضافة فيتامين سي لحمض الهيالورونيك هيساعد جداً في القضاء على الشوائب والبقع الداكنة الناتجة عن فرط التصبغ اللي بيعاني منه الجلد.

حمض الهيالورونيك مثالي للإستعمال قبل التونر وبشرتك لسه رطبه وقبل استخدام الكريم المرطب. من المنتجات اللي بنحبها وبتحتوي على حمض الهيالورونيك هي سيروم فيتامين سي من ناتافيس وحمض الهيالورونيك سيروم من ريا بيوتي

مشاركة تعليق